Page 75 - MIN.VOS ALEX MAY 8

Huez a duna Medida di Ordo: Hospital mester laga Dr Narain traha pendiente sentencia 27
di Mei 2015
Friday, 08 May 2015 14:36
Comparti

Diabierna na dos ocasion partidonan legalmente a debati den corte pa asina atende cu huez riba un
situacion cu tin di haber cu Hospital y Dokter Narain. E caso ta uno unda dokter Narain a bai corte contra
Hospital.
Despues cu el a haci 65 anja legalmente mester bai cu pensioen pero asina mes AZV a prolonga su
contrato. Di otro banda Hospital no kier laga e dokter traha den Hospital. E por prueba cu basta anja pasa
den un contrato el a mustra cu e por duna servicio y usa infrastructura di hospital te cu su 70 anja. E
contrato aki hospital a kibra. Pesey mirando cu e no por duna servicio den Hospital a bai corte. E caso a
wordo trata. Dos abogado a debati den prome parti di defensa. A schors e caso y despues di merdia a
sigui. Finalmente e caso a termina unda un sentencia final ta dia 27 di Mei. Asina mes prome cu e
sentencia wordo poni riba papel e huez a dicidi mesora a base di un medida di ordo cu Hospital mester
laga Dr Narain haci su trabou eyden. E motibonan di e prome pensamento di huez lo wordo poni riba
papel dor di huez. E decision cu e medida di ordo ta un senjal caba cu Dr Narain tin su caso gana.
Abogado mr Chris Lejuez a hiba e defensa pa Dr Narain y mr Lucy Peterson a hiba defensa pa Hospital.

http://www.24ora.com/corte-mainmenu-29/94937-huez-a-duna-medida-di-ordo-hospital-mester-laga-
dr-narain-traha-pendiente-sentencia-27-di-mei-2015