Page 73 - MIN.VOS ALEX MAY 8
P. 73
Den Futbol Escolar organisa pa IBiSA S.B. Washinton ta titula Campeon den categoria A-
mucha homber
Friday, 08 May 2015 10:58
Comparti
Riba tereno di S.V. Britania y nan Compleho Deportivo Franklyn Bareño, a tuma lugar diahuebs dia 30 di
april e weganan final di futbol den categoria A-mucha homber. e weganan ta den cuadro di e
competencianan escolar organisa pa IBiSA. Un total di cuater wega a wordo hunga e atardi aki pa asina sa
cua ta e schoolnan cu ta keda na prome, di dos y di tres lugar.
E prome wega tabata entre S.B. Washington y Colegio Conrado Coronel, cual wega a wordo gana pa S.B.
Washington cu e score di 2-0. E golnan a wordo anota pa Desmond Maduro y Shawn Croes.
E di dos wega a bay entre St. Dominicus College y Colegio Sagrado Curason. Den e wega aki e muchanan
di St. Dominicus College a bini duro y a gana Colegio Sagrado Curason cu e score di 5-2. Pa St. Dominicus
College e goleadornan tabata Bernard Smolders cu a anota 3 gol, Guido Rodriguez y Garreth Arias ambos
a anota un goal, mientras cu pa Colegio Sagrado Curason Juan Vrolijk y Mishawn Molina, a anota un gol
cada un.
E weganan cu a sigui tabata pa tercer y cuarto lugar, y a bay entre Colegio Conrado Coronel y Colegio
Sagrado Curason. Ambos school a duna tur di nan banda hungando un bunita wega cu a termina cu e
score di 2-0 pa Colegio Conrado Coronel, logrando asina finalisa na di tres lugar.
E wega cu a trece hopi nervio y emocion entre e fanaticonan tabata e wega pa prome y di dos lugar. Pa e
gran final a enfrenta otro St. Dominicus College y S.B. Washingon. Ambos school a bataya fuerte contra
otro y a mantene e wega empata na 0 te na final di e tempo reglamentario. Despues mester a sigui cu
tironan penal. Completando e prome 5 penalty, ambos school a keda empata na 2 gol. E di dos buelta di
tironan penal a sigi y a bay te na 9 tiro pa banda. Aki ta caminda S.B. Washington a bin anota tres gol y
titula campeon den futbol categoria A-mucha homber. E schoolnan a ricibi nan trofeo y e muchanan nan
respectivo medaya.
IBiSA ta felicita tur school cu a participa y tambe na tur mayor y maestro cu a bin apoya nan school
durante e weganan aki.
