Page 32 - flip min.soc

Mas di 300.000 Florin extra pa nos Fundacionnan Social

Publication: Friday, 20 March 2015. Categoria: General
Minister Paul Croes cu Feria Social:

ORANJESTAD (AAN): Banda di enfoca riba hubentud, e prome Feria Social a logra mas di
300.000 Florin pa e fundacionnan cu ta participa den e Feria Social. “Esaki ta un win win pa
hobennan, comunidad y fundacionnan. Nos kier planta un siminja den curason di nos hobennan.
Cu e proyecto Feria Social, 100 hoben lo dedica nan mes pa sera conoci cu e fundacionan na
Aruba. Nos kier planta e siminja social den nan curason. Nos kier haci nan consciente cu a
retonan social di nos pais ta grandi. Nos kier stimula nan pa haci trabao boluntario den futuro”,
Minister Paul Croes a enfatisa di e Proyecto Feria Social.
Feria Social ta un prome programa Nacional di Hubentud participando na 20 fundacion na
Aruba. Un total di mas di Awg. 300. 000 Florin a keda realisa cu apoyo di organizacionnan
comercial y comunidadnan na Aruba.
“Un bunita ehempel ta esun di e comunidad Dominicano, cu lo participa apoyando e fundacion
Sonrisa/Trampolin pa Trabao financieramente pero alavez a pidi pa hobennan dominicano
residencia na Aruba tambe participa. Esaki sigur ta un bon ehempel di integracion positivo”,
Minister Paul Croes a mustra.
Minister Paul Croes ta kere cu Feria Social lo tin varios efecto positivo cune. Banda di e enfoque
principal cu ta hobennan, fundacionnan tambe lo haya un aporte financiero adicional. Pero e
envolvimento comunitario tambe ta keda importante. Minister Croes su enfoque ta pa apoya e
fundacionnan cu ta participa na e prome Feria Social pero tambe otro fundacionnan social.
http://www.diario.aw/2015/03/mas-di-300-000-florin-extra-pa-nos-fundacionnan-social/