Page 35 - flip min.soc

“Productividad ta e meta di mi maneho”

Publication: Friday, 20 March 2015. Categoria: General

Minister Paul Croes na comision di labor di Parlamento:

ORANJESTAD (AAN): Durante reunion cu e comision fiho di Labor di Parlamento Minister
Paul Croes a mustra riba e meta primordial di su maneho, cual ta mas productividad.
“E balance entre proteccion di e trahador y productividad di comercio ta nos meta. Cu e
pensamento aki, nos ta trahando riba cambionan di ley. Arbo-wet ta uno di esakinan”, Minister
Paul Croes a bisa na e comision. Parlamentario Donny Rasmijn kende ta forma parti di e
comicion aki tambe, a duna su pensamento ariba Arbowet unda cu e ta kere cu mester pone mas
atencion na leynan di seguridad aki na Aruba.

Den e BWA ya caba tin reglanan cu ta na vigor pero ainda tin companianan cu no ta haci uso di
dje y ta hinca bida di trahadornan na peliger of trahadornan mes ta hinca nan bida den peliger
door di un simple descuido di no practica seguridad.

Parlamentario Rasmijn a bisa cu Minister Croes lo mester trece cifranan dilanti basa riba
gastonan cu esaki lo por tin pa gobierno si esaki tin como consecuencia di no a practica e
seguridad (safety) na trabao. Banda di a Arbo-wet, e proyecto Ban Traha y tambe e control riba
cierto leynan cu no ta worde respeta a keda discuti.
“E proyecto Ban traha ta un proyecto cu mester a tuma un atencion extra na dje ya cu tin persona
cu ta haci uso y abuso di e oportunidad cu nan ta haya door di ta traha y toch ta sigui cobra
onderstand. Den nos concepto mester cuminsa duna boet na esnan cu ta abusa di e ley aki. E falta
di responsabilidad aki ta costa nos pueblo placa y esey ta inacceptable”, Parlamentario Rasmijn a
declara. Control ta un parti esencial di tur ley aki na Aruba. Un ley sin su control debido ta bira
un dode letter. Parlamentario Rasmijn ta mira tambe cu mester fortifica e control riba doñonan di
trabao cu ta acepta ilegalnan traha pa nan. “Mester cuminsa ta hopi mas estricto y duna boetnan
na doñonan di trabao pa asina nan respeta leynan laboral. Mester sinta cu tur e ministernan
concerni pa trata na yega na un mihor maneho den e leynan aki”, Sr. Rasmijn ta bisa. Tambe Sr.