Page 19 - ATA 28 SEPT,2015

Ronella Tjin Asjoe-Croes na conferencia di
Dia di Turismo: Proyeccion di turismo 2016
ta mustra crecemento den tur area

on: Monday, September 28, 2015In: LocalNo Comments
Print Email

Durante di su presentacion, e Chief Executive Officer di Aruba Tourism Authority (A.T.A.) a
comparti diferente informacion y “updates” y a duna un resumen di algun di e trendnan principal
cu tin influencia riba e situacion di turismo di Aruba y e isla su mercadonan di bishitante.

Ronella Tjin Asjoe-Croes a bisa cu aunke cu A.T.A. y su socionan den e industria no a cambia e
direccion strategico ni e prioridadnan estableci pa 2016, loke si nan a haci ta ahusta e
obhetivonan y strategia den liña cu e trendnan cu el a repasa den su discurso.

E obhetivonan pa 2016 ta: Aumenta e cantidad di bishitantenan di estadia (stay-over) cu 5.5%;
aumenta e entradanan di turismo cu 6%, aumenta e entrada pa cada camber disponibel cu 9% den
e periodo di 2014 pa 2017 y aumenta e cantidad di turista cu ta bishita nos via barco crucero cu
un minimo di 3% di crecemento compara cu aña 2013.

Ronella Tjin Asjoe-Croes a splica cada un di obhetivonan na e invitadonan. El a haci diferente
comparacion relevante tocante di desaroyonan mas importante.

Den e prome ocho lunanan di 2015, Aruba a conoce un crecemento fuerte den e cantidad di
bishitantenan di estadia. A cera augustus “year-to-date” (januari 1 – augustus 31) cu un
crecemento di 14.8%. Nos mercado primario, esta Merca, a crece cu 9% durante di e periodo
menciona.