Page 21 - ATA 28 SEPT,2015

Desde cu Minister Michelle Hooyboer-Winklaar a asumi e encargo di Minister di Enseñansa, e
mandatario ta boga pa diversifica nos sistema educacional pa por brinda mas opcion na nos
alumno y mayornan. Nos sistema educacional mester cumpli cu e necesidad y demanda di tur
alumno y actualmente esaki no ta e caso.

Cada alumno y mayor mester tin opcion y mester por scoge cua sistema nan ta sinti nan mes mas
comodo cune y caminda nan ta sinti cu ta reconoce berdaderamente e potencial di e alumno.
Minister Hooyboer-Winklaar ta indica cu actualmente ta bezig ta “pilot” cu un modelo
multilingual den enseñansa primario pero e necesidad ta grandi pa explora otro opcionnan pa
enseñansa secundario tambe.

Tin varios aña caba cu ta selecciona alumnonan pa HAVO/VWO a base di nan dominio di
Hulandes, mientras no ta tur studiante ta scoge programa di estudio na nivel di HBO of WO na
Hulandes, ni na Hulanda. Esaki ta nifica cu e capacidad real di nos hobennan no den tur caso ta
wordo reconoci.

Minister Michelle Hooyboer-Winklaar ta splica cu mester ta hopi critico cu resultadonan di test y
cifra, mirando cu semper mester ta transparante cu kico bo ta midi den realidad y si loke nos ta
midi ta realmente e potencial di cada hoben.

“Mi ta nenga di kere cu nos hobennan aña pa aña tin menos capacidad y ta convenci cu mas bien
ta e sistema, e scolnan cu ta segrega y loke nos ta test ta fayando nos hobennan.”

E ta logico cu e enfoke den e sistema di enseñansa Hulandes ta pa midi dominio di Hulandes.
Actualmente enseñansa secundario na Hulandes ta e unico opcion cu nos conoce den nos sistema
educacional publico y subsidia na Aruba.

E ultimo añanan nos ta constata un desaroyo grandi den e populacion di Aruba y tambe di e rol
di idiomanan den nos comunidad y bou di nos hobennan y e efectonan directo cu esaki tin den
nos enseñansa. E sistema cu “one size fits all” no ta valido mas y e necesidad awo ta urgente pa
diversifica nos enseñansa.

Minister Hooyboer-Winklaar ta kere cu nos no mester inventa e wiel di nobo pero mester tuma
nota di “best practices” y opcionnan ya desaroya y reconoci mundialmente y den region. Durante
e ultimo bishitanan di trabou di Minister Hooyboer-Winklaar na entre otro Sint Maarten, Canada
y Merca, e titular di enseñansa a probecha orienta riba diferente sistemanan di enseñansa cu ta
existi actualmente. Por ehempel na Sint Maarten, Minister Michelle Hooyboer-Winklaar tabata
hopi interesa den e rol di e idiomanan Ingles y Hulandes den scolnan secundario. Aki por a mira
scolnan secundario publico completamente na Ingles cu conoce un curiculo y examinacion di
Caribbean Examination Council (CXC) cu ta un cooperacion entre 15 paisnan unda ta papia e
idioma Ingles den Caribe. Banda di e curiculo di CXC por a tuma nota tambe di scolnan cu ta
ofrece e IB-diploma program, un programa internacional y prestigioso di “The International
Baccalaureate Organization”. E IB-program ta un curiculo internacional cu ta ser ofrece
actualmente na 3800 scol den 147 pais na mundo. E diploma aki ta ser reconoci pa tur
Universidad internacional. Otro opcion cu por a tuma nota di dje ta scolnan conforme sistema
Hulandes pero caminda enseñansa ta wordo brinda na ambos idioma nan Hulandes y Ingles. E