Page 22 - ATA 28 SEPT,2015

scolnan ta afilia na e Dutch Network of Bilingual Schools y ta forma parti di e proyecto
Tweetalig Onderwijs (TTO) cu ta ser sosteni door di Europees Platform.

Minister Hooyboer-Winklaar ta reconoce cu educacion mester ta un reflexion di loke bo
comunidad y economia tin mester di dje y aki idioma tambe ta sumamente importante. Mirando e
rol importante cu particularmente Ingles conoce den nos comunidad y economia na Aruba,
Minister Hooyboer-Winklaar ta kere cu mester duna Ingles un rol mas grandi den nos enseñansa.
No solamente e rol di Ingles pa nos economia ta hacie importante pero tambe e hecho cu nos
studiantenan cada aña mas y mas ta optando pa sigui un estudio na Ingles den region of na
Hulanda mes. Esaki ta un indicacion cu nan tin mas afinidad cu e idioma aki y ta mira mas
oportunidad di por ta exitoso door di studia na Ingles. Siguiendo e desaroyonan di Hulanda di
serca nos por mira cu Hulanda mes ta bayendo mas den e direccion di Ingles.

Ambos enseñansa superior ta ofreciendo cada aña mas estudio na Ingles y enseñansa secundario
conoce varios scolnan bilingual cu ta ser subsidia door di Union Europeo. Esaki ta un desaroyo
cu Ministerio di Enseñansa di Hulanda, esta OCW, mes a confirma na Minister Hooyboer-
Winklaar.

E vision di Minister Michelle Hooyboer-Winklaar ta pa diversifica nos enseñansa door di ofrece
mas opcion na alumnonan y mayornan. Tin un demanda grandi pa studia na Ingles y si nos por
garantisa calidad y brinda un curiculo cu ta garantisa conexion cu enseñansa superior na Hulanda
y den region nos tin e deber pa explora e posibilidad aki. Pa finalmente logra diversifica nos
mester di e sosten di directivanan di scol, scolnan y gran parti di comunidad cu ta comparti e
vision, cu ta mira e necesidad y cu ta dispuesto pa contribui pa realisa esaki.

“Actualmente nos ta explorando e posibilidad di crea e diversificacion aki conhuntamente cu un
directiva di scol cu ta comparti nos vision riba e tereno aki y ta comparti nos vision pedagogico
optimista y ta dispuesto pa traha hunto cu Gobierno pa crea mas opcion pa nos studiantenan. E
meta ta pa introduci esaki aña escolar 2016-2017.”, asina Minister Michelle Hooyboer-Winklaar
a duna di conoce.

Door di facilita diferente opcion pa nos hendenan nan cada un por scoge e enseñansa unda nan
por saca e maximo di nan potencial y unda cu nan por ta exitoso, Minister Michelle Hooyboer
Winklaar ta conclui.

http://masnoticia.com/minister-michelle-hooyboer-winklaar-no-por-warda-mas-pa-diversifica-e-
sistema-di-ensenansa-secundario-hulandes/