Page 31 - MIN JUS

ORANJESTAD – Pa di tantisimo bez, e caso di e asalto cu morto na Wayaca di aña pasa
September, a keda posponi awe mainta. E caso awor ta tuma lugar dia 7 di december.
Motibo ta cu e sospechoso Chines no a keda cla cu su abogado Hulandes Spong. No ta
prome biaha cu e caso ta keda posponi. E hecho mes ta di dia 13 di September 13 2016
ora cu hombernan a drenta e cas na Wayaca y asalta un persona cu resultado fatal.
Tabatin discusion e tempo ey si tabata un atraco, asalto y of simplemente reglamento di
cuenta.

E CASO

E caso di awe mainta tabata contra e dos sospechosonan J.P.E. y P.S.F.. E. y F. ta wordo
acusa di, conhuntamente cu un otro of otronan, a tuma bida di un persona riba 13 di
september 2016, dor di los un of mas tiro riba e persona aki, a consecuencia di cual el a
fayece, y di ladronicia cu violencia di un suma di placa y un cadena y telefonnan y un
auto. Na april e caso a wordo posponi caba. E motibo pa a pospone e caso e tempo ey ta
e.o. cu fiscal a splica cu ainda falta algun investigacion entre otro e ruta unda a core.
Tambe mester haci investigacion di psychiater riba e Boneriano (un di e sospechosonan).
Y abogado Lejuez a pidi pa psicologo evalua e Chines tambe (e otro sospechoso). E caso
mester a tuma lugar dia 30 di juni e ora. Algo cu tampoco no a tuma lugar.