Page 59 - MIN JUS

MENAZA Y MALTRATA TURISTA

Fiscal a bisa Hues cu e acusacion contra A.H. ta cu riba 24 Juli 2016, trahando como un
guardia di seguridad na un hotel, a menaza un homber turista y a maltrat’e tambe. E
homber turista tabata cu un otro homber y nan tabata acompaña cu nan pareha.

A.H. lo a bisa e turistanan: “I will fight now” y “I will shoot you all” y “I am going to
shoot everybody” y “I will go now, I will go home, but I will come look for you”.

El a mustra e turistanan un cuchio cu e tabatin den su zapato.

Hues a mustra cu e tempo ey A.H. tabata traha guardia na un hotel. E turista a declara
na Polis cu el a mira A.H. ta hala atencion di muchanan cu tabata landa den pool
anochi. El a bay discuti cu A.H. riba esaki y A.H. a menaza cu morto y hasta a push’e cu

forza.

A.H. a bisa Hues cu loke a sosode ta, cu den careda di 3’or di marduga, e hendenan
tabata landa den pool y haci desorden. Door cu nan tabata haci desorden el a bisa nan

su nan tin cu sali for di pool pasobra esaki ta prohibi. Segun A.H., nan tabata molestia
otro turistanan cu ta drumi den e cambernan banda di e pool.

El a sigui bisa cu despues dos homber ta bin riba dje y ta mishi so. A.H. a bis’e pa papia

y e lo scuch’e. El a bira cana bay. El a splica cu e no tabata confia nan y no tabatin
radio pa pidi un guardia cu mas experencia bin yud’e. E lo mester busca number riba
telefoon pa por yama un otro guardia.

Segun A.H., e dos hombernan a sigui cana su tras y na dado momento tabatin e
confrontacion. Hues a bisa cu e turistanan a bisa cu A.H. lo a saca un cuchiu pa nan.
A.H. a bisa cu e tabatin un cuchiu pasobra e tabatin cu core riba bicicleta den scuridad
y no tabata confia.

Hues a bisa cu e amiga di e turista a graba riba cellular loke A.H. a bisa nan. Hues a
bisa loke A.H. a bisa. “I will fight now” y “I will shoot you all” y “I am going to shoot
everybody” y “I will go now, I will go home, but I will come look for you”.