Page 60 - MIN JUS

A.H. a admiti esey. El a bisa Hues cu el a bisa asina pasobra e tabata sa cu e ta perde
su trabou pasobra semper e turista tin razon. El a bisa Hues cu no tabata su intension.
Hues a bisa cu e expresionnan tabata un menaza serio.

Polis a bay eynan y a bay asina leu, cu Polis mester a saca arma pa A.H. para keto y
tira e cuchiu cu e tabatin den man abou. A.H. a desmenti cu el a saca arma. El a bisa
cu e mes a cana bay serca Polis y a wordo deteni.

Hues a remarca pakico A.H. ta bay menaza di e forma aki. Segun A.H. door cu e
turistanan tabata mishi y push’e, el a perde cabez. El a remarca, con por ta cu e
turistanan ta haci asina cun’e. Hues a puntra si A.H. tabata bou influencia di alcohol of
droga. A.H. ta desmenti categoricamente. Segun Hues, e hefe di A.H. a bisa cu A.H. lo

tabata bou influencia di alcohol y droga.

A.H. tabata hopi emociona den Corte. Hues a puntr’e pakico. El a bisa cu te dia di awe e
no tin trabou door di e asunto ey. Hues a puntra si el a haya preparacion pa e trabou y

A.H. a bisa cu no. El a puntra si A.H. ta lamenta loke a sosode y A.H. a bisa cu no.

Hues a mustra cu A.H. tin carchi di castigo caminda tin algun caso di menaza cu arma.

EXIGENCIA FISCAL

Fiscal a bisa Hues cu e caso aki ta hopi serio pasobra no por spera cu un guardia cu tey
pa proteha turista, ta bay menaza di e forma aki. El a mustra cu A.H. no ta lamenta

loke el a haci. Ta un hecho cu tabatin mishimento pero na opinion di Fiscal, no ta bay
actua di e forma aki. Segun Fiscal, no ta manera A.H. ta bisa cu ta e turista a mishi
cun’e sino cu ta A.H. a pusha e turista. Fiscal a sigui bisa cu e no ta kere cu ta permiti
pa bay menaza un persona cu morto ora cu e persona ta bay riba bo. Fiscal a bisa cu e

no tabata tey pero tin indicacion cu A.H. lo tabata bou influencia.

Fiscal a mustra cu tanto Polis, e turistanan y hefe di A.H., ta bisa cu A.H. tabata bou
influencia. Na opinion di Fiscal, aki ta trata di menaza y maltrato di un turista. Fiscal a

remarca cu segun A.H., ta e turista mester comporta su mes.

Fiscal a bisa cu ta lo contrario. Mester percura cu e turista ta bin Aruba ta haya un bon
trato y e tipo di comportacion aki ta spanta turista pa bin. Na opinion di Fiscal, e