Page 61 - MIN JUS

turistanan aki lo bay conta otronan kico nan a pasa aden. Fiscal ta haya cu esaki ta haci
mas fastioso pa A.H. Tambe cu den pasado el a haci menazanan y tabata bou influencia
di alcohol.

Fiscal a bisa cu aparentemente A.H. no por domina usamento di alcohol. Fiscal a exigi
180 ora di trabou pa comunidad di cual 140 ora ta condicional cu un tempo di prueba di
2 aña. Esaki bou condicional cu A.H. ta cay bou guia di Reclasering y cu e lo mester
sigui e curso di control di agresividad.

ABOGADO

Abogado a reclama cu hopi laat el a haya e documentonan y no a haya tempo pa papia

cu A.H. riba e caso. El a reclama tambe cu e no a haya tampoco tur grabacion. E
abogado s bisa cu e ta spera cu esey lo sosode mihor den futuro.

Na opinion di abogado, lo tabata bon si el a haya imagennan di grabacion promer pa

mira si e turista lo tabata bou influencia. El a mustra cu A.H. no tabatin e preparacion
necesario. E no tabatin un radio sino un cellular pa por yama otro guardia. A.H. tin un
caracter hopi explosivo.

E abogado a bisa Hues cu el a papia cu A.H. y su señora y A.H. ta dispuesto pa sigui
curso di control di a agresividad. E abogado a bisa Hues cu segun A.H., e turista a
insult’e y e no a gusta cu e turista ta haci asina cun’e siendo cu e ta cumpli cu su
trabou.

SENTENCIA

Hues a sera tratamento di e caso y a dicta sentencia di biaha. E ta haya legalmente

proba e dos acusacionnan. Hues a bisa cu turista ta bin Aruba pa descansa y pasa bon.
Pa cu e castigo, el a bisa cu e ta tene cuenta cu e caso ta bieu. Hues a bay di acuerdo
cu exigencia di Fiscal.