Page 18 - Patrick Paskel

14 AWEMainta Dialuna, 17 Augustus 2015

Partido AVP no ta DI acuerdo cu Gerick Croes di e partido MEP: “No ta
heroe di nos economia
pero si a jumpstart nos pasobra a registra crecemento leve di nos economia
debe nacional kiermeen bo a logra bo obhetivo.”
Un bon Gobierno no solamente ta hasi su esfuerso
pa laga economia di nos pais crece pero tambe ta
hiba un maneho financiero responsabel sin tin di
perhudica futuro generacionan. Contrario n’esaki,
partido AVP a scoge pa endeuda nos pais y awendia
e consecuencianan ta bisto cu un acumulacionan di
medida cu ta afectando e manera y calidad di bida di
cuidadanonan.

E ponencia cu cada bes ta wordo ripiti “economia lo a
cai cu 15% “ta importante pa splik’e motibo y no trece
mitar berdad dilanti. Aruba mescos cu otronan paisnan
mundialmente a haya su mes confronta cu e efecto di
recession financiero despues di 2008 cu a afecta nos
economia den e periodo di 2009-2010.
Hasta den e promer aña (2010) cu Gabinete Eman a
goberna, ainda nos economia sigui bai atras. Pa colmo
durante AVP su gobernacion, e refineria a dal sera y no
a hasi niun esfuerso pa jumpstart e pilar economico aki.

Garick Croes: “Ta di lamenta pasobra tur e tempo cu
a pasa Gabinete Eman no a explora y hasi su best pa
crea pilarnan economico nobo pero a laga Aruba keda
depende riba solamente turismo cual riba su mes ta
uno vulnerabel pa cualkier sucedido mundialmente.”

Mal maneho financiero ta kita efecto leve di crecemento
di economia.
Nos no mester lubida cu e desaroyo economico mester
bai man den man cu un maneho financiero responsabel.
Nificando cu e desaroyo di bo presupuestonan mester
mustra un mehoracion pa loke ta trata e cifranan.
Pasobra deficitnan structural riba su mes ta crea
problema economico tambe pa nos pais. Netamente
esaki ta loke CFT a indica den su analisis y cu nos
mester diversifica.

No por ta posibel cu aña den aña afor bo Gobierno ta
core cu deficitnan cu keda crece so.
Den 5 aña Gabinete Eman tabatin un deficit acumulativo
di 1.733 biyon florin.
Esaki t›un averahe di deficit 346.8 miyon pa aña.
Remarcabel di esaki ta cu Gabinete Eman a cuminsa
c›un deficit di 188.6 miyon na 2010 y structuralmente
a continua na aumenta deficit aki te ora el a yega
na 443.9 miyon na aña 2014. Conhuntamente cu e