Page 9 - AHATA PDF NEWSPAPER - 30 JUNE 2018

2 AWEMainta Diasabra, 30 Juni 2018

Personanan inconsciente a mata turtuga protegi

DIABIERNA pa mas
o menos 10:30 mainta
personal di Polis Maritimo
a bin topa cu personal
di Directie Natuur en
Milieu na altura di e
pier di Rodgers Beach cu
cual conhuntamente un
investigacion mester a
wordo haci.
Cu e boto di Polis maritimo
BP-2 e personal a bay pa
midi na diferente luga e
stroom di lama y e cantidad
di oxígeno bou awa.
Mas o menos 12:30 e
personal a bay na altura
di Reef Bird na unda
e melding a drenta cu
tawatin diferente casca di
turtuga. Ora a yega ariba e
rif enberdad a bin encontra
4 casca di turtuga y tambe
cabesnan di turtuga.

E turtuganan aki ta protegi y lastimamente ta bin encontra e restonan
aki. E restonan di turtuga a wordo tuma den beslag door di personal
Directie Natuur en Milieu. E turtuga aki ta un especie cu ta protegi pa
e tratado internacional di CITES y alaves pa articulo 6 inciso 1 Natuur
beschermingverordening Aruba. Mester recorda cu ta castigabel pa ley pa
mata e especie protegi aki y cu tin multanan pisa pa cu esaki.
Cualkier persona cu por sa algo di e sucedido aki mester haci denuncia di
dje na autoridadnan concerni pa evita di ta complice di violacion di ley di
di animalnan protegi.