Page 23 - EXTRA28NOV2015

Djasabra 28 Novèmber 2015 23

SALUDABEL TAMBE POR TA DUSHI

Meta di Oasean no ta solamente pa laga nos komunidat sera konosī
ku diferente aspekto di bienestar (wellness) na un preis atraktivo, pero
tambe pa hasi esaki den áreanan bunita i úniko ku nos isla tin di ofresé
ku ainda hopi hende no konosé. Ku e meta aki Oasean a skohe pa tene e
di tres edishon djasabra 5 di desèmber na Curacao Winery, na Landhuis
Hato (patras di Curacao International Airport Hotel). Na e sitio aki
Kòrsou a haña su promé viñero. Bishitantenan na Healthylicious por
kana rònt den e plantashon pa mira kon ya e viñero a produsí diferente
dreifi di kual nan lo traha e promé boternan di biña di Kòrsou otro aña.
Lanthùis Hato tin su mes historia i ta interesante pa diskubrí esei. Promé
ku solo baha, entre 5pm pa 6:15pm por kana eksplorá e plantashon.

Loke ta hasi Healthylicious úniko ta ku e no ta un“food festival”sino
un evento ku ta kombiná e parti informativo, rekreativo, den kual
bishitantenan tambe por saboriá diferente plato saludabel. Den un esfera
plasentero bishitantenan por sera konosí no solamente ku diferente
empresa lokal ku ta spesialisá den diferente área di bienestar, pero tambe
por pruf i saboriá loke e empresanan tin di ofresé.
Healthylicious lo duna hendenan ku ta interesá pa adaptá nan nutrishon
pa unu mas saludabel diferente informashon i opshon kon pa logra esaki.
Ekspertonan riba tereno di salu, nutrishon i motivashon manera entre
otro dr. Rudolf de Wit dòkter di medisina natural, sra. Mimi Harris-
Chong health coach sertifiká pa Deepak Chopra Center i sr. Premananda
Cotoretterapista riba área di Ayurveda lo kompartí métodonan práktiko
kon pa logra e benefisionan deseá. Desèmber ta e luna ku mas nos ta
kome i bebe, pero tambe ta e luna den kual nos ta kuminsá plania nos
metanan pa 2016. P’esei Oasean a skohe pa tene Healthylicious den
desèmber pa duna inspirashon di kon pa logra e metanan ku nos tin pa
habri 2016 mas informá di e variedat di kosnan disponibel na Kòrsou. Pa
mas informashon di Healthylicious, bishitá página Oasean riba Facebook
o yama 563-0333 pa mas informashon. Pa partisipá na Healthylicious
mester kumpra karchi adelantá na Mensing i Bruna.