Page 26 - KPA 19 JUNE 2017
P. 26
editor
POSTED ON JUNE 19, 2017, 9:05 AM
2 MINS
POST VIEWS: 3
ORANJESTAD, Aruba
Diahuebs, pa mas of menos 1’or y 40 di merdia, polis a haya un melding via central riba un incidente
na un adres na Catiri, cu lo ta trata aki di un caso di menasa. Polis a bay na e sitio y a bin topa cu e
homber O. kende a declara cu e tabata cu su auto, Mitsubishi Galant, riba tereno di e cas na Catiri
debi cu el a bin busca placa cerca sobrina di su casa. E casa di e sobrina, yama EAVD, bibando
tambe na dicho adres, tabata bando auto. Dado momento un taxi color di oro, marca Toyota Corolla,
a yega para den e cura di cas. EAVD a drenta den e taxi y a reverse y a dal contra di e Mitsubishi
galant. Segun O. EAVD no tabata kier e Mitsubishi Galant riba e tereno. E yiu homber di di O tabata
sinta patras den e auto, di manera cu O. a rabia y di biaha a bay confronta e homber.
Ora cu O. a bay atende cu e homber, esaki a menase cu e lo coy un arma di candela y tire mata. E ora
O. a dicidi di yama polis di biaha. Polis a puntra O si e kier duna keho di menasa contra e homber
EAVD y el a confirma esaki. EAVD a wordo aresta como sospechoso di menasa y a wordo presenta
dilanti fiscal auxiliar, kende a laga cer’e pendiente mas investigacion na warda di polis na Shaba. Un
proces verbaal lo wordo traha pa esaki.
