Page 30 - KPA 19 JUNE 2017
P. 30
6 AWEMainta Dialuna, 19 Juni 2017
Rib’e topico di adictonan
Minister Dowers a reuni
cu’n grupo di misionero
E problematica di adiccion ta uno sumamente preocupante na nos pais. Pa
varios aña cu a transcuri, a purba na contra aresta esaki na diferente forma.
Pero e forma di mas efectivo y cu a demostra di ta duna resultado positivo, ta
programanan educacional na esnan cu problema di adiccion.
Un grupo asina yama Adult & Teen Challenge freedom house y tambe Culti-
vate Hope International, a haci un bishita cerca Minister Arthur Dowers, den
cuadro di esaki.
Esnan cu tabata presente tabata, sra. Kathy Love kende ta e Program Manager
di Freedom House Teen Challenge (Oklahoma), sra. Karen Coon kende ta e
Executive Director y tambe e pareha Shawn & Shanon Blankenship kendenan
ta fundador y executive directors di Cultivate Hope International.
Ambos organisacion ta grandi y cu a expande nan mes dor di henter e pais norte
Americano, yudando adictonan cu nan problema. Nan a elabora splicando
Minister Dowers, kendenan tabata den pasado y kendenan ta awor aki. Nan
mision ta pa duna un aki na Aruba tambe cu programanan.
Nan a splica e mandatario cu nan a cuminsa cu e programa aki caba na Aruba y
cu e ta bayendo hopi bon y cu nan tin un serie di programanan educacional p’e
adictonan, cual programanan ta e mesun cos cu a duna resultadonan positivo
caba na Merca y cu awor nan ta implementando aki na Aruba.
Minister Dowers a primintinan di lo pasa bishita e instalacion pa mira con
esaki ta bayendo.
Sr. Shawn Blankenship a duna di conoce cu, nan ta misioneronan y cu e inten-
cion ta pa nan train un Arubano p’e tuma e proyecto aki over.
