Page 31 - KPA 19 JUNE 2017
P. 31
AWEMainta Dialuna, 19 Juni 2017 7
A pega rabo di fli den kabel di voltahe halto
Muchanan hisando fli a laga varios bario sin coriente
DIADOMINGO pa 2:31pm a drenta e prome
yamada na “Storingsdienst” di N.V. Elmar, relaciona
cu interupcion di coriente na Paradera. Mesora
tecniconan a activa y a bay den e area pa verifica
kico ta e fayo.
Ta resulta cu muchanan hisando fli na Paradera
a pega rabo di un fli den kabel di voltahe halto di
12KV, cu consecuencia cu e sistema di siguridad ta
desconecta suministro mesora.
Ora e tecniconan a topa cu e fayo, a nota cu e
muchanan entretanto a bandona e sitio caba y a laga
e fli pega entre e kabel y un mata den vecindario. A
corta e mata y a corigi e fayo riba kabel.
N.V. Elmar kier subraya e peliger cu kabelnan di
voltahe halto ta trece cune, cu hasta por tin conse-
cuencia fatal. Ta pidi mayornan pa ta mas cauteloso
cu e muchanan ora di hisa fli entre kabelnan di
coriente.
Tambe kier pidi pa ora fli pega den kabel di cori-
ente, pa no purba sak’e bo mes. Yama N.V. Elmar
y gustosamente nan ta bin yuda bo, pasobra e ta un
trabou masha peligroso mes.
Algun bario a keda sin coriente debi na e fayo aki,
cu ta for di alcance di N.V. Elmar. A haci e trabou-
nan necesario na e sitio y pa 3:10pm a reconecta
suministro atrobe. N.V. Elmar ta pidi disculpa p’e
inconveniencia aki.
