Page 130 - ҚАЗАҚ ӘДЕБИЕТІ. 5-СЫНЫП. АТАМҰРА. СҮГІРБЕКОВА А.І.

– Кешіріңіз … маған сыймайды. Артық та емес. Қатар жатқан
Эльдар Ғизатулинге құйып қойғандай екен. Бірге оқимыз. Бойы
тәштік. Соған сіздің атыңыздан сыйлайын. Ренжімейсіз бе?
– Түк ренжімеймін.
– Рақмет! – Костюмді қолтығына қысып, жаңағы жолына
түсті.
– Хат жазамын. Келер жылы жазда келемін… Келетін шығар­
мын, – деді Манап ізінше.
Естіді ме, Қали кете барды. Баспалдаққа екі-ақ ырғып шығып,
кілт бұрылды да, қолын бұлғады. Күлімсіреп еді, үстіңгі ернінің
сол жақ құйрығы шапши қалды. Орындық қасында тұрған Манап­
тың тұла бойы дір етті. Көзін мұнар алды. Алға қарай емпеңдеп
жөней бергені есінде. «Қалқам-ай! Қанатым-ай!» – деген сыбыр
құлағында көшіп жүр. Есік сарт жабылғанда барып есін жиды.
Биік баспалдақ бос екен.

: 1-тапсырма.

1. Манап бауыры Қалиды қайда іздеп келді? Ағайындылар не
себепті ажырасып қалған еді?
2. Екі ағайындының кездесуін назар сала оқыңдар. Кездесу
сәтті болды ма?

: 2-тапсырма.

Берілген портрет кімдікі? Оны көргенде Манап неге орнынан
ұшып тұрды?

Тығыз қара шашы ұсақ-ұсақ бұйра,
қол-аяғы таралып қалған, кең иықты бол­
маса да ешкімнен қарызға жауырын сұрай
қоймайтын кішірек көзді ақ сұр бала, дұры­
сы бозбала сыртқа серпіндей басып шыға
келгенде, Манап орнынан ұшып тұрды.

119