Page 82 - Demo

migin ngayan mu ma, mquri ku bukuy skadi, hmrinas mddeka ka ngiman mu de, imi mu slai ka ngaayn mu dungan, betaq ba so tgbukuy na de kulung mu ba ga qtaan hii ka ngayan mu di; ani si uka ka qnsiqa mu bale duri, anu klaun mu mesa mkela naq muuyas ka laqi Mukan. Kika mkela ku di, speeyah mu bukuy ka migin ngayan mu bobo na di, kiya si ini mu beyo qtaan ka ngayan mu. Ani dehuk saya we, phlisun mu bale ka ndaan mu so kiya ciida.
Kiya, bobo na meyah ku tmgesa/mgsense laqi Puri- kawkong hiya dungan we, niqan ka seediq alang nami madis laqi daha meyah mita yaku, tena ku bnaruy sapah Hori ka ciida di, meyah smiling suse timu laqi na ga muuyas kwocong yineci, qtaun mu bino we mhulis ku naq ma, lmngelung ku muuyas ku Puri-kwosyaw cbeyo dungan. Mesa ka timu na: “Niqan kingal ka pngucun mesa, keeman han si we mquri qhuni baro mdakil si ma, hmeruc quri dheran de diyan mesa, smiling ga dehuk inu ka kndkilan na de mngari patis hido mgrebu mesa.” Lmngelung ku naq dungan, ma kiya naq bale swansu timu ka snpegan mu Puri-kwosyaw hii cbeyo dungan mesa ku lmngelung; hwaun daha bale mosa kmuuruy pngucun ka Plmukan nii ha, ima naq maha ali smdeho pngucun ka diyan ma keeman kii di, ma asi ka seediq ini qeepah ma seediq mpgduru alang ka maha so kiya mesa ku. Huwa ka timu na nii we klaun mu si smepu ma, wada mu stgesa laqi daha duri di ma, mpprengo miyan
81