Page 17 - bon-dia-aruba-20190620

A17
HENDE Diahuebs 20 Juni 2019

Demi Johnson a gradua na

Universidad di Aruba

ORANJESTAD - Diabierna ultimo studiante di
OGM, Demi Johnson, a defende su tesis exitosa-
mente den presencia di su famia y amigonan na
Universidad di Aruba.

Demi su investigacion tabata tocante e perspectiva cu
managers y graduadonan tin di e habilidadnan laboral
cu ta ser considera importante na momento cu un grad-
uado ta cla pa drenta e mercado laboral. Demi a splica
cu tin tres habilidad cu managers ta considera di hopi
importancia pa un studiante tin na momento cu e ta cla
pa drenta e mercado laboral. Esakinan ta e siguiente ha-
bilidadnan; habilidad den uzo di tecnologia, habilidad
interpersonal (por maneha conflicto, por traha den eki-
po) y e habilidad pa pensa critico. E pregunta general
di e investigacion tabata: “Con importante managers ta
considera habilidad laboral di e graduadonan di Univer-
sidad di Aruba y tin un diferencia entre e perspectiva di
e graduadonan y e managers?” E resultado di e investiga-
cion aki a demostra cu e managers a “rate” e habilidad-
nan ariba menciona mas importante cu e graduadonan.

Pa su investigacion, Demi a acerca organisacionnan priva
y publico y tambe graduadonan di Universidad di Aruba
entre 2013-2018. Por medio di un encuesta, e investiga-
cion a mustra cu en berdad habilidad laboral ta suma-
mente importante pa tin na momento di drenta mer-
cado laboral. Algun aspecto relevante di e investigacion
tabata cu specialmente e habilidad di uzo di tecnologia,
habilidad interpersonal y e habilidad pa pensa critico ta
sumamente importante pa managers na momento cu
un graduado ta cla pa drenta e mercado laboral. Mester
añadi tambe cu for di e investigacion aki a sali cu casi
80% di e graduadonan di UA cu a yena e encuesta y cu a
gradua na 2018 a busca trabao pa un promedio di 1 aña
y ta den funcionnan manera managers, coordinador den
organisacionnan priva y publico na Aruba.

Despues di duna un presentacion, Demi a defende su
tesis den presencia di e comite di graduacion cu a consis-
ti di Drs. Judelca S. Briceño como supervisor di tesis, y
evaluado Drs.Yolanda Richardson y Dr. Yvonne O. Lee-
Perez. hefe di Departamento di Investigacion Laboral
na Departamento di Labor y Investigacion tabata pre-
sente como miembro externo di e comite di graduacion.
E comite a elogia Demi pa su investigacion relevante y
su recomendacionnan constructivo pa Universidad di
Aruba tocante con pa sigui traha riba un miho conexion
cu e mercado laboral.

Den su tempo na Universidad di Aruba y durante e
proceso di su tesis, Demi a crece na un nivel academi-
co y personal. El a desaroya su mes como un studiante
ehemplar na Universidad di Aruba. Universidad di
Aruba, particularmente e departamento di Organiza-
tion, Governance and Management, ta felicita Demi cu
e logro aki y ta desea Demi tur clase di exito den su fu-
turo carera.