Page 31 - AVP

Unico cos cu a logra ta cu huiswerk ta keda y e huiswerkbegeleidernan tambe ta keda.

Pero ta bay wak si ta haci uzo di pensionado of otro tipo di persona cu ta den e funcion.

Dirksen ta sigui splica cu nan a ricibi un carta for di e minister y awo ta bay analisa e

carta pida pa pida y dun’e contesta riba dje.

UN CARTA SORPRESA

Dirksen a splica cu den e carta, a cambia di palabra. El a bisti e macaco un otro paña.

Practicamente no tin mucho cambio. Loke e docentenan cu a trece dilanti, no a haya

atencion. E crisis social cu ta papia di dje, e zorgstructuur, etc. nada no a bin padilanti.

CONTACTO CU SINDICATO

Union ta haci forsa, segun Dirksen. E docentenan ta uni cu SPO y tambe cu MDC. Por

mira asina y bisa asina. Bo por tin poblema cu un departamento. Pero si bo ta minister y

tur e departamentonan tin cu sali afo pa tene un walkout y cu e cosnan cu e minister ta

haci ta robes, e ora ki otro idioma tin cu papia, cu cos no ta bay asina. Ora cu ta tuma

decision, no por haci’e cu opleg riba e hendenan. Mester por bin mesa negosha y traha cu

esnan den veld, pa mira kico ta nan pensamento pa asina por yega na un decision corecto.

Pero pa e minister pa dicidi riba e hendenan nan trabao.