Page 33 - AVP
P. 33
Tur hende por corda con den forma hopi pura na luna di november, despues di demanda y
insistencia di CAFT, Gobierno di Aruba, o sea Prome Minister, Evelyn Wever-Croes y
Minister di Finanza, Xiomara Ruiz Maduro por medio di Video Conference a firma e
protocol, cual despues a wordo haci den un forma mas oficial.
Segun e publicacion, Raymond Knops den forma diplomatico, pero tog menasante a bisa
cu e desmantelacion di e control financiero den combinacion cu debe halto di Gobierno ta
casi iresponsabel.
“E situacion aki tin mi hopi preocupa. E ultimo palabra no a ser bisa den e asunto aki
ainda,” el a bisa.
Andre Bosman di VVD tambe tabatin su opinion. “Palabracionnan cu ta wordo haci
Aruba, no ta wordo cumpli. Cada biaha nan ta bisa “esey nos ta bay haci, pero despues no
ta haci nada. No tin disponibilidad gubernamental.
En realidad no tin control financiero mas. E pais cu su debe di casi 90% ta practicamente
failliet.” Esaki tabata palabranan di amigo di Prome Minister Evelyn Wever Croes.
