Page 38 - AVP

Booshi Wever (UPP): Si Tin Un Hende Cu Ta Mal

Informa Pueblo, Anto Esey Ta Otmar Oduber

 Politica
- 06/08/2019

“Lagami cuminsa na unda nos a caba nos ultimo articulo siman pasa. Minister Otmar
Oduber ta keda hunga un wega di manipulacion, birando y trociendo tur sorto di berdad,
desviando atencion, basta e logra su proposito.

Nos a mustra tambe, cu e modus operandi di Otmar Oduber a pone un persona riba
“social media” crea un “ismo” nobo, esta “Otmarismo”. Esaki t’e accion of capacidad di
“manipula hende cu algo cu no ta existi den realidad, pa cambia of laga afo cierto hecho-
of partinan di un storia of situacion, minando asina necesidad/grito pa transparencia y
integridad,” asina Booshi Wever a duna di conoce.

“Nos a observa tambe cu Minister Oduber ta uza un retorica pa hustifica su actonan, na
un manera persuasivo, pa purba na convence pueblo, contradiciendo su mes y si mester
recuriendo na mentira-, insulto-, acusacion- y insinuacionnan.

Den su reaccion riba mi persona, e biaha aki maluzando su propio asina yama
profesionalnan di su ministerio- of departamentonan, e ta bolbe mustra cu no ta importe
con e ta mal informa pueblo, basta kere cu t’e ta papiado di “e berdad”.