Page 40 - AVP

contra di loke a wordo logra te n’e momento cu Gabinete Oduber IV tabata sinta. A
prefera di haci esaki, djis pa laga Serlimar Sui Generis “bloed dood”.

E maneho di desperdicio bou Gabinetenan Oduber III y IV tabata dirigi riba stop e
kimamento riba dump, loke a sosode entrante 1 di mei 2002. Esaki pa alivia e
habitantenan. Tambe a sera e dumpnan na Vader Piet y Jaburibari. E ultimo aki a bira un
parke di recreo. A bin cu e planta di Bouldin & Lawson, pa proceso sushi y baha e sero di
sushi na Parkietenbos, creando asina fluff cu por a wordo uza pa sera e buraconan rond di
Aruba, traha otro tipo di material y uza como fertilizante.

E planta aki a wordo inaugura 17 di juli 2009 y a funciona te na final di november 2009,
na momento cu e boycot a cuminsa dor di Mike Eman, Mike de Meza, Benny Sevinger y
no lubida Otmar Oduber himself, sin importa cu e pueblo di Parkietenbos y becindario a
bira victima.

Cu e planta a funciona nos por mira como resultado di e varios caso y sentencianan di
Huez, unda Gobierno di AVP-POR e tempo ey no por a demostra contrario. Si a wordo
demostra cu e planta a wordo boycotea.

Den e Evaluation Report di B&L, traha y paga riba peticion di Minister Oduber mes, a
resulta cu e boycot no tabata solamente tira piesanan den e crusher, sino tambe
destruccion di instalacion dor di corta kabelnan, horta koper, mescos cu partinan di hero.
Mientras un generator grandi a desparece.

E mesun raport aki ta bisa tambe, cu pa un suma di 1.7 miyon DOLLAR e planta por
wordo poni bek den operacion. Pero e Minister a prefera di scoge otro, esta comete
kapitaalsvernietiging di 28 miyon FLORIN y sigui pursigui e WTE-SPROOKJE, di 300
MIYON DOLLAR!

Den e sofismo cu Otmar Oduber ta biba aden, parcialmente e tin razon cu e planta no a
funciona, pero e no kier acepta e berdad cu e y su Gobierno AVP-POR y su “full blown
partners in crime” e tempo ey, a percura pa boycotea e planta y no lague funciona.