Page 39 - AVP

Mas leu, nos ta kere cu aki ta trata di un persona cu ta uza razonamento falso contal
hustifica su posicion. Den ciencia filosofico esaki ta wordo denomina como sofisma, na
Hulandes sofisme of tambe drogredenen y Ingles fallacies.
Sofisma t’e arte cu e.o. un demagogo ta purba uza p’asina convence su audiencia. Dor di
no kier papia e berdad, un demagogo ta un persona cu no por bin cu argumentacion- y
razonamentonan racional pa hustifica su expresionnan falso. Asina’ki Minister Oduber ta
purba di bin cu razonamento cu ta zona mescos cu ta berdad, pero cu no t’e caso.

Atrabes di e reaccionnan cu ta wordo treci sea p’e Minister mes of uzando otronan, den e
dianan aki nos lo refuta tur su tiradanan di mentira, cu argumento y pruebanan.

Den e reaccion di dia 31 di juli, atrabez di Ministerio di ROIM, e ta bisa cu mi persona lo
ta perdiendo conexion cu realidad y cu como ex-mandatario mi lo ta mal informa pueblo,
alegando cu como Minister encarga cu medio ambiente mi lo no a logra resolve e
problema serio di maneho di desperdicio riba nos isla, ni tampoco a logra un maneho
duradero pa nos compania nacional Serlimar, di recogemento di sushi.

Y como no sifuera poco e ta bolbe troce e berdad na momento cu e ta pone otronan bisa
cu mi persona ta conoci p’e fayo di un planta di 30 miyon DOLLAR, cu no a funciona.

Pa cuminsa aki caba e ta purba pasa nos pueblo un 6 pa un 9. E ultimo aki no ta berdad. E
planta a costa rond di 28 miyon FLORIN y cu cobramento di interes pasobra su Gobierno
AVP-POR no kier a paga, esaki lo por a yega 30 miyon florin, debi na interes cu mester a
paga. Esaki por mira den un comunicado di su partido e tempo ey den DIARIO di 18 di
april 2011!

No solamente e suma, pero mas bien e forma cu Otmar Oduber ta purba na hinca un
razonamento den pueblo, cu ta parce berdad, pero cu no t’asina. Uzando tacticanan di un
demagogo, e kier pone pueblo kere cu ta e ta papia berdad.

Ora papia di maneho y funcionamento di e planta, mi kier a corda nos pueblo, cu ta desde
december 2009, momento cu e Gobierno nobo di AVP-POR a sinta, e boycot a cuminsa