Page 62 - AVP
P. 62
Minister Dangui Oduber a reitera su intencion di bin cu un fundacion nobo di lotto, cu lo
mester competi cu esun actual, cu e mandatario ta mira como un cartel cu a abusa di e
fondonan di lotto pa deporte, y no a dirigi e entradanan cu mester a destina pa deporte,
manera mester ta.
E dignatario a subraya cu tur e facilidadnan ta deportivo ta den mal estado, y esnan
unda por a realiza weganan internacional di futbol a wordo afgekeurd, door di
CONCACAF y tur e motibonan aki ta valido pa bin cu un fundacion nobo.
E meta principal di e fundacion nobo aki, ta pa genera entrada cu ta bay wordo inverti
den mantenimento di e infrastructura y di e facilidadnan y su iluminacion y artificial
turf, y hunto cu esaki tin caba un plan di mantenimento pasobra na e momentonan aki
Lotto no ta inverti den e facilidadnan y pesey e fundacion nobo di lotto ta asina
importante, e mandatario a señala.
E nomber di e organizacion nobo aki lo carga e nomber di Fundacion Nacional di Salud y
Recreacion.
Minister Dangui Oduber a splica pakico tambe e ta pa salud. E mandatario a indica cu
na e momentonan aki comunidad di Aruba no ta esun di mas saludable, y mester
cuminza enfoca riba prevencion. E dignatario a subraya cu pa medio di e benta di e
lotto aki gobierno ta bay inverti hopi placa den prevencion, brinda informacion na
comunidad y bin cu campañanan di concientizacion pa pueblo tocante e importancia di
bon nutricion, haci ehercicio y biba saludable. Y den e parti di recreacion lo hinca
deporte y cultura.
E mandatario a splica cu e entrada general pa e lotto nobo lo wordo traspasa pa
Stichting Sport Subsidie Aruba cual lo reparti e entrada entre tur e federacionnan
deportivo.
Obviamente, segun e mandatario, lo bin competencia entre dos fundacion di lotto, unda
e pueblo di Aruba lo tin e opcion pa scoge entre dos loteria, uno cual entrada no ta
yega su destino, pero ta bay pa e Canadian Bank Note, cual ta doño di Fundacion Lotto
pa Deporte. Minister Oduber a señala cu 54 miyon florin ta wordo bendi na Lotto, di
cual 4 miyon so ta bay pa deporte. E mandatario a splica cu 11 miyon florin ta bay na
