Page 65 - AVP

ORANJESTAD (AAN): Parlamentario Endy

Croes ta lamenta con politiconan di AVP ainda tin e curashi pa acusa Coalicion – cu no a
cumpli ni dos aña ta goberna – di tur sorto di cos sabiendo cu ta hustamente e politica
cu e mafiosonan di AVP a hiba, e corupcionnan na gran escala, e fraudenan cometi y e
maneho desastroso ta e causa di locual Aruba ta pasando aden awe.

Richard Arends cu su cara “de que yo no fui” ta un di nan cu ta ilustra e grado di actitud
di AVP. Horta e pais aki na un manera monstruoso y pensa cu den menos di 2 aña

pueblo lo lubida toch.

Mentalidad pober:

Segun Parlamentario Endy Croes hustamente den un discusion cu un grupo AVP raha su

persona a worde confronta cu e expresion aki di topnan di AVP. Nan expresion tabata
cu pueblo lo lubida liher y un bes aki nos t’ey back. Hustamente pa tipo di
mentalidadnan pober asina di AVP ta obliga nos como Parlamentario pa recorda pueblo

di e desaster cu AVP a laga atras.

Richard Arends kier papia manera e profesional di mas grandi na Aruba. Pero ora bo
mira su actonan y midi esakinan pa cu e daño causa na pais Aruba bo ta cuminsa
compronde cu e hendenan aki di AVP no ta importa nan un bledo basta nan yena nan

saco y keda gaña y manipula pueblo.

E carpata di AVP:

Un biaha mas Endy Croes a revela un grafico cu hendenan cu a strica placa bruto den
RDA/CITGO sin cu esaki a habri.