Page 66 - AVP

Abusadornan manera Richard Arends para den promer rij manera carpata di AVP pa
ranca y bebe sanger di e pueblo aki. HORIZON Consultancy ta un compania di Richard
Arends kende tabata cobra gobierno schat di placa pa conseha gobierno. Pa mi ta mas
specifico pa conseha Mike Eman himself. Aki so el a cobra 2 miyon Florin di pueblo.

Richard Arends ta hinca tambe den Utilities unda el a cobra otro 500 mil Florin pa
conseha Utilities. Ora nos a kere cu ta basta a bin sali na cla cu na RDA el a cobra 445
mil Florin.

Ki grado di abusador nos mester considera esaki? Adhunto un tabel cu cifranan real. Por
aprecia tambe con IT Pro di Arnold Legrand, mihor amigo di Mike de Meza kende a
strica miles den Lotto, tambe mesora a haya contract na RDA y a cobra Afl. 392.000,-.
Esaki no ta tur. Mike de Meza a percura no solamente pa Richard pero pa su mesun

compania tambe esta PMEC cual compania tambe a cobra sin cu CITGO a logra habri
Afl. 342.000 Florin. Por aprecia Tera Group di e sinberguensa Patrick Paskel cu a strica
mas di 6 MIYON den gobierno tambe tabata manera carpata na RDA y den corto tempo

a strica Afl. 444.000 Florin na propaganda.

Bringa pa bolbe den gobierno:

Pueblo, e cifranan aki ta oficial. Awor por compronde unda e placa di RDA a bay? Awor

por compronde cu amigonan di Mike de Meza y Mike Eman lo bringa te na morto pa
bolbe den gobierno? Nos trabao ta pa keda informa pueblo p’asina nunca pero nunca
mas e “monsternan” aki bolbe den gobierno. Mensahe di Parlamentario Croes na e

grupo aki ta: Boso por a corda riba pueblo tambe toch? RDA por a yuda hopi famia
reconecta nan awa y coriente cu e placa aki toch? Esaki no ta tur y tin mucho mas pa
bin.

Na Ministerio Publico boso lo sigui haya mas caso y keho pa investiga y ta haci un

apelacion pa boso amplia boso oficina pa asina e investigacionnan aki por worde
acelera. Terminando Croes ta puntra Richard Arends si e no ta kere cu ta apropia pa
tur e placa cu bo a cobra inhusto for di pueblo di Aruba pa por lo menos bo entrega bo

retiro for di Parlamento pa pueblo por tin poko trankilidad.

https://www.diario.aw/2019/08/endy-croes-di-mep-a-mira-cuanto-placa-parlamentario-richard-arends-
a-haya-den-gobierno-y-pesey-e-mester-tuma-retiro/