Page 10 - AHATA

Diamars, 2 October 2018 AWEMainta 7

Parlamentario Jennifer Arends-Reyes:

Ta importante pa Aruba su red tecnologico

keda actualisa cu avancenan internacional

RECIENTEMENTE Parlamentario Jennifer
Arends-Reyes a atende e conferencia di turismo
organisa pa ATA (Aruba Tourism Authority) den
cuadro di celebracion di Dia Internacional di
Turismo. Tema di e aña aki di dicho conferencia
tabata Turismo y su transformacion digital.

Durante e mainta aki tur presente a ricibi in-
formacion valioso tocante e desaroyonan den e
mundo di turismo y na mes momento a com-
parti algun sugerencia pa Aruba tuma na cuenta
como destinacion turistico. Den e mundo tecno-
logico tin hopi avance y Aruba como destinacion
mester percura pa keda actualisa. Actualisacion
tecnologico lo mester bay den forma di, por
ehempel, e red di internet cu un velocidad su-
perior na esun cu tin den demanda actualmente.

Na Aruba actualmente nos conoce e sistema di
internet LTE+ y como base di diferente otro de-
saroyo lo mester por habri caminda pa 5G den
futuro. 5G lo ta exigi inversion cu lo ta necesa-
rio pa trece innovacionnan pa, entre otro, Smart
houses/cities, pero tambe e desaroyo di IoT (In-
ternet of Things). IoT ta e definicion di, por
ehempel, dispositivonan electronico cu lo conta
cu coneccion na sensors di aparatonan electro-
domestico.
Un internet cu ta cay cada biaha of cu ta ‘slow’
na momento di download, locual mester pa dife-
rente programa of aplicacion nobo, simplemente
lo ta hopi frustrante pa e bishitante y consumi-
dornan local.

Scolnan, for di varios aña caba ta trahando cu
Digiboards y Smartboards, incluyendo e scol
basico cu ta bay bira un “Smart School” awo.
Por bisa cu innovacion den diferente sector no a
cuminsa na 2017.

Locual si mester sigui enfoca riba dje ta un conec-
cion stabiel di internet, cu velocidad halto, cu
ta factornan importante pa, entre otro, scolnan,
luganan turistico y e demanda di turistanan cu
ta custumbra cu tecnologia como parti di nan
bida diario.

Tambe, mester traha diligentemente ariba mas
desaroyo concreto pa FinTech. FinTech ta e tec-
nologia den e mundo financiero cu ta bay man
den man cu regulacionnan, siguridad y legisla-
cion. Asina tambe mas tienda na Aruba por ta
fisico, pero tambe online pa asina facilita locual
ta e sistema di “e-Commerce”. Aruba como pais
chikito pero na mes momento moderno, y cu
durante transcurso di añanan a haya hopi me-
horacion y promocion pa ta un pais den pro-
greso, no por para keto awor cu tur e avancenan
cu tin den e ambito di tecnologia.