Page 71 - MIN ARENDS

Director di WEB: Prijs di awa y coriente na Aruba ta
competitivo compara cu e otro islanan ruman

Thursday, 25 May 2017 20:07
Comparti

Si e prijs di awa y coriente na Aruba, ta competitivo cu e islanan ruman, segun director di WEB Aruba NV
cu ta Luis Oduber, esey ta e caso.
Danki na esfuersonan haci, e prijs di awa y coriente ta mas abao den e region. Tambe cu WEB Aruba no
ta haya clase di subsidio, mientras cu na otro islanan Caribense, si ta haya subsidio, loke nos no tin. Sin e
subsidio ey ta dificil y no por compara cu WEB su tarifanan. Ta tribi di bisa hasta Puerto Rico, Aruba tin
miho tarifa cu nan.

Windmolen park ta on?

E plan pa e parke di molina ta on ainda. Ta wardando e resultadonan te awor aki. Tin casonan pendiente
den corte. A cuminsa mira riba otro posibilidadnan. Expansion di Vader Piet ta un di nan. Algo den e
area di Rincon, pero ainda eseynan ta den un estado un tiki tempran, mas den exploracion.
Naturalmente tur cos ta depende riba permiso di construccion pa e luganan ey.
E problema di Aruba ta, nos ta hopi chikito y cada caminda cu planta un molina di biento of un panel
solar, mester corta irigacion, locual cu ta purba di evita. Si acaso haci esey, mester reemplase na otro
caminda.

No lo ta fin

E dos tecnologia, esta solo y biento, mester bay hunto. Imagina cu si solo baha atardi, mester produci
energia. E biento tey 24 ora y e solo ta den dia so por probecha di dje. E parke solar ta costa rond di 10
miyon y esun di e ICT Infrastructure ta 9 miyon florin. E proyectonan menciona ta wordo financia. Tin cu
haya aprobacion di raad van commisarissen y banconan local tambe ta financia. No ta cuestion cu ta haci
algo descabeya, sino tur cos ta calcula. E no por tin un efecto riba e tarifa cu ta aument’e.