Page 73 - MIN ARENDS

Luis Oduber di WEB: Cu e parke solar ta nifica un of mas
bari menos di fuel lo wordo cumpra

Thursday, 25 May 2017 19:49
Comparti

WEB ta haciendo inversionnan miyonario. Ta importante pa sa cu pueblo ta pendiente y ta wak
esakinan. E pregunta ta con hopi esaki lo yuda pa mañan

nan tambe haya un alivio den prijs di awa y coriente. Segun director di WEB, Luis Oduber, tur
loke a produci local ta bay reemplasa energia cu a produci cu fossil fuel awor aki, cual ta heavy
fuel oil. E diferencia di e planta ta di Aruba. E diferencia ta cu tur energia cu wordo produci
eynan, e placa ta keda Aruba. Una bes cu paga e financiamento cu ta un consorcio di banco
local, e placa ta keda Aruba. Cada kilowatt uur cu wordo produci atrabes di e parke solar aki, ta
un bari of mas bari menos di fuel cu mester cumpra y divisa cu ta sali for di e pais.

Cuanto bari menos
Oduber a splica cu for di cabes no por bisa cuanto bari menos, pero si a reduci. Desde 2009
biniendo awor aki tempo cu a cuminsa cu e proyecto aki, ta riba 46% reduccion caba y cu esaki
lo bay tin un reduccion adicional tambe.

Den tapara

Awor aki, una bes cu e proyecto ta completa, cu ta bay monitorea kico e impacto ta, e
intencion ta pa sigui. Practicamente no ta bay tin paracion. Kier sigui te ora cu yega na e vision
cu e accionistanan grandi tin y naturalmente cu por yega na un punto caminda cu comunidad
henter por ta comodo cu no ta bay tin aumento of reduccion di tarifa, basa riba prijs di fuel
internacional, caminda cu no tin absolutamente nada di haci cun’e.

Solar vs biento

Esaki ta diferencia, mirando cu biento bo tin’e 24 ora pa dia y solo bo tin’e den dia so. Cada un
ta diferente. Solo, pa parti di mantencion ta menos. Parti di biento bo tin hopi mas mantencion
pasobra tin hopi ekipo ta move. E contract cu a logra cera, ta uno hopi bon, compara cu den
regio. Siman pasa Oduber tabata na un conferencia na St. Lucia y ta hopi orguyoso di e
contrato cu tin compara cu otro islanan cu kisas cu tin algo mas grandi pero no e prijsnan cu a
logra negosha.