Page 72 - MIN ARENDS

Fraccion di AVP ta sigui reuni pa discuti leynan cu mester
wordo trata

Thursday, 25 May 2017 19:52
Comparti

Apesar cu campaña electoral ta den full swing, fraccion di AVP ta sigui cu su reunionnan diario entre otro
di e propio fraccion caminda ta trata diferente asunto di interes general cu tin cu wordo atendi ainda
, y otro reunionnan di comision of comision central.
Fraccion di AVP e siman aki a reuni entre otro riba diferente leynan pendiente cu ainda tin cu wordo
trata den Parlamento, caminda tin riba programa di Parlamento, e ley di screening di Minister, cual ley lo
ser trata den un reunion publico dialuna venidero.
Un ley caminda pueblo por a ripara siman pasa cu e lider di fraccion mas grandi di oposicion, Evelyne
Wever Croes, no tabata na altura mes di existencia di e ley aki, mientras cu henter e proceso cu e ley aki a
cana pa yega cla pa e wordo trata den un reunion publico, mester ta conoci pa tur miembro di
Parlamento.
Aki un biaha mas ta resalta e falta di interes di cantidad grandi di miembronan di Parlamento, cu
simplemente no ta cumpliendo cu nan obligacion como representantenan di pueblo, pero ta sigui atende
asuntonan personal y di partido mientras cu nan funcion ta keda representante di pueblo den
Parlamento.