Page 36 - HOH

Fundacion C.V.A. cu chekeo di salud

diasabra awo

16 May, 2019

Sr. Azriah Palm, di Fundacion C.V.A. (Stroke/Ataca Celebral) lo tene su
acostumbrado dia di chekeo di salud den e bario di Sta. Cruz.

Ta haci un yamada na esunnan cu ta biba den bisindairo y tambe pueblo en
general, pa bin haci nan chekeo. E fundacion ta haci esaki, ya cu e parti
principal cu ta focus ariba dje, ta pa preveni stroke. Stroke no conoce edad. E
manera pa preveni esaki ta door di haci un chekeo. No ta asina cu ora cu haya e
resultado, ta e fin di mundo. E ta djis pa bo sa, con bo situacion ta. Y semper y
cuando ta duna conseho pa acudi na dokter di cas. Pa asina e dokter di cas, por
mandabo haci mas test y asina saca afo kico ta e problemanan.

Un probelma cu e fundacion ta haya durante nan actividad, ta cu personanan cu
ta bebe pildo di presion ta salta di bebe un pildo. Un dokter di cas no ta
prescribi un remedi pa awe si y mañan no. Y pa ta honesto, p’esey presion halto
ta e silent killer. Na momento cu cuminsa haya sintoma, ya caba ta mita
caminda pa bay ‘ariba’. Esey kier preveni. Loke kier duna como conseho pa parti
mainta, ora ta desayuna, pone nan pildo hunto cu e desayuno. No ta pasobra cu
bo ta sintibo bon awe, bo no ta tum’e. E tin su risiconan cun’e. Y esey ta loke
kier preveni. Y si wak bon, e temporada calor aki, cual por hunga un rol hopi
grandi, cu si bo no ta bebe suficiente, y bo no ta haci actividad fisico suficiente,
haci actividad fisico den cas pa asina minimalisa e riesgonan di un malesa
cardiovascular.