Page 37 - HOH

Na Centro di Bario Brazil, nan a haya mas o menos 105 persona. Si wak bon , e
grupo cu atende e actividad aki ta hendenan mayor di edad. E ta algo di
aplaudi, pasobra cu kisas nan no tin manera pa yega na nan dokter pa haci un
chekeo. Y p’esey fundacion CVA ta focus pa drenta e comunidad. Y te awo e
reaccion ta hopi positivo y nan lo bay bek Brazil, dia 29 di juni, ta pendiente.
Pero esey no ta kita afo cu nan por bay otro caminda cu nan wordo pidi. E
response ta hopi positivo.

Diasabra awo, 18 di mei 2019, CVA lo ta na Club Sportboys di 8 or di mainta pa
12 di merdia. Nan lo haci e chekeo regular, presion, sucu, circuvelencia, tambe
lo t’ey Aruba Vision Center pa ta e actividad. Lo haci chekeo di bista. Tambe
Botica di Servicio tambe t’ey. Stichting BOB cu tambe ta pa prevencion di
cancer di pecho. Medicosmetics lo bin cu Cure Aloe, un producto nobo.
Door cu e luga ta chikito, mester a haci’e poco mas chikito.

Aruba henter ta keda invita pa diasabra awo di 8 or pa 12 or. Por bin na yuna
pero si a come algo, esey no ta problema. Dos ora despues cu come, e nivel di
sucu mester regula. Esey ta hopi importante pa hende tene cuenta cun’e.
Personanan cu bin haci chekeo lo haya un paspoort y na e siguiente chekeo nan
por bin cun’e y tambe bay nan dokter di cas, pa e dokter pro haci un follow up.

E parti di prevencion, esey mester bira un palabra cu mester cuminsa uza
diario, pa cuminsa minimalisa e cantidad di malesanan cardiovascular cu Aruba
tin, cu si sigui asina, lo aumenta. Pa aña mas o menos 250 caso di stroke na
Aruba, cu ta hopi halto pa nos isla. Mayoria biaha kico ta e causa ta e presion
halto y nos estilo di bida. Ora cu cambia esaki, e resultadonan lo cambia tambe.
Y aki kier yega. Mester tum’e na serio, pa biba poco mas largo y saludabel.
Esaki tameb lo yuda baha e gastonan di AZV. Si sigui asina, lo mester paga un
prima mas halto, segun Sr. Azriah Palm, di Fundacion CVA.

https://masnoticia.com/fundacion-c-v-a-cu-chekeo-di-salud-diasabra-awo/