Page 38 - HOH
P. 38
Hospital A Celebra Siman Di Enfermeria Focus E
Aña’ki Tabata Riba E Tema: “Health For All”
Local
- 16/05/2019
E aña aki Dr. Horacio E. Oduber Hospital a celebra un bes mas Siman di Enfermeria cu
diferente actividad. E nursenan tabata feliz di a celebra e siman aki na unda a recorda e
motibo pakico a scoge e carera bunita aki.
Un siman super exitoso na unda Hospital completo a participa na diferente actividad
durante y despues di ora di trabou.
E siman a cuminsa cu un bunita apertura y a duna un toke special, cu e zonido di steelpan
di Nico Connor. Tambe colega Romeo Kilayko cu ta trahando pa hopi aña na HOH a
deleita tur colega cu un bunita serenata.
Indra Poulina, Presidente di Comision di Siman di Enfermeria a duna di conoce cu e aña
aki e siman a surpasa tur expectativa. Mas colega a participa compara cu e añanan
anterior y esaki sigur ta un motibo di alegria.
Diarazon mainta tabatin e desayuno tradicional, cu semper ta un exito rotundo. E aña aki
el a bay hopi bon y aunke pa motibo di construccion mester a cambia localidad tog el a
cay na agrado.
