Page 54 - MIN ARENDS

Minister Dowers: MEP ta sigui bisa e mesun storia pa
manipula pueblo

Tuesday, 11 April 2017 22:09
Comparti

Nos a papia cu Minister Arthur Dowers, kende tabata den Parlamento. A trata dos tema, cual
un di nan ta criminalidad.

E minister a splica cu esaki ta e di tantisimo bishita. Partido MEP a admiti cu ta e minister cu a
bin mas den Parlamento, cu a traha mas tanto mocion di desconfiansa mustrando cu no tin
seriedad. Tin hopi trabao pa haci eyfo, y ta prefera pa trata cu e trabaonan na luga di sinta y
tende e mesun storia cu partido MEP ta bin cun’e pa manipula e pueblo.

Ta asina ey cu MEP a haya tur e cifranan prome biaha den historia, a pone tur cifra di
criminalidad disponibel, transparente pa tur mira, y partido MEP a scoge pa saca unicamente
caminda cu ta mira aumento y ta haci politica cun’e. Tur otro caminda cu ta mira reduccion di
crimen, nan no ta papia riba dje.

E unico instrumento cu MEP tin pa uza pa nan campaña politico, ta e miedo di e pueblo pa
atraco.

E minister ta sinti cu si bo ta sincero, lo bo papia riba e realidad kico tin awe. Awe tin 60 miyon
mas inverti pa aña cu tempo partido MEP tabata den gobierno y tin mucho mas polis compara
cu partido MEP den Gobierno. A drecha e rechtspositieregeling di polis. A tende sr. Besaril bisa
awe cu e no tin mester pa Dowers haci nada pe, pasobra Dowers a haci su cos pe caba. El a
zorg pa ora e drenta den Gobierno, e 10 añanan cu MEP no por a drecha e
rechtspositieregeling den polis, AVP a regl’e. Tin 25 aña cu no por a drecha e asunto di
Brandweer. Besaril a papia di un pomp di Brandweer cu ta 30 aña bieu. Tempo MEP tabata den
Gobierno, no tabata ni parts, ni auto ni rechtspositieregeling. Ta bezig cu esun di KIA y despues
ta sigui pa Imigracion.

E trabaonan cu a haci pa buta stabilidad pa crea e organisacionnan, pa crea e cooperacion cu
tin pa por ta efectivo contra crimen, awor aki te.

MEP ta haya cu Dowers mester baha, pasobra nan kier pa Hulanda tuma husticia over. Nan a
haci hopi intento. Sra. Wever Croes y Xiomara Maduro a haci hopi intento na Hulanda pa mira