Page 55 - MIN ARENDS

si nan lo kita husticia over di Aruba. Hulanda no a haci esey, pasobra Hulanda tin tur confianza.
Dowers sinta eynan, ta mira cu e trabao cu a wordo haci ultimo añanan aki, compara cu loke
MEP a haci, si ta asina grandi cu Hulanda no a pensa pa kita husticia di Aruba. Pa mira cu
Hulanda a bin te Aruba, kita husticia, menasa pa kita husticia bao di MEP, a bin cu menasa cu
KB e tempo ey. A kita por ehempel departamento di Dimas, pone bao di Booshi. Por mira hopi
desaster cu nan a haci, cu AVP a coregi nan.

Nan ta papia awe cu Husticia no ta funciona na Aruba. E procurador general cu a bandona
Aruba, sr. Here a trece cla dilanti, ta mustra con MEp a mete den husticia. Nan tabata corta
den cuerpo policial, pa no traha efectivo y pa nan no yega na nan pa cera pa corupcion. Awe
tin politico, lider di MEp mes, cu tabata director di Arulex, cu ta bringando Gobierno pa cobra
cen cu nan tabata haya ora cu nan tabata den Gobierno, haciendo yen di caso pa Gobierno,
enrikeciendo bo mes y abo ta papia riba Criminalidad.

Ta yama Dower narco complaciente. Ta spera cu ora sali na cla cu esnan narcocomplaciente
cerca di dje, e bay, na momento cu bin na cla, cu e narcocomplacientenan banda di dje.

Dowers por bisa cu ken cu e anda cun’e, e ta analisa bon, pasobra e no ta bay tuma ningun
risico di hinca su curpa den cosnan cu no ta bon. E no ta sostene, no ta lanta compania pa
hende laba placa. No ta sostene ningun tipo di maldad y ta spera cu Wever-Croes por bisa e
mesun cos tambe.
Yama Dowers Narco complaciente, ta spera cu e por trece pruebanan cu e ta narco
complaciente.

Dowers a splica cu partido MEP unico cos cu ta bin cun’e ta bisa cu nan ta bin cu radar, radar
cu nan mes a laga kita. Sr. Rudy Croes a firma cu Hulanda pa kita e dos radarnan cu tabata tin e
tempo ey, tin radar ainda na Kustwacht. Nan ta bin cu Helicopter. Radar y Helicopter ta dos
punto cu MEP ta bin cun’e pa combati crimen. Loke a tende sr. Thijsen bisa ta cu MEP no por
haci nada contra crimen. Ningun hende por haci algo contra e ola di criminalidad cu tin, dus
partido MEP tampoco, pero nan ta bin cu radar y helicopter y esey lo soluciona tur e
problemanan di e pais.