Page 11 - MIN ECEM

Plataforma Forsa Nobo

ta kere den ,mas deporte

menos bisio y hunto nos

ta logra

Published on December 8, 2016 in Politica
ORANJESTAD , Aruba

Den e mundo di deporte Jacqueline van Putten no ta un persona desconoci . Jacqueline van
Putten tambe a dicidi di postula su mes como un candidato riba e lista di Forsa Nobo. E
dedicacion den e deporte pa Jacqueline van Putten ta esencial debi cu un pueblo sano ta
importante. Actualmente Jacqueline van Putten ta casa y tin dos yiu mas un nieta. Den aña 1982
mi a termina mi estudio y manera cu mi a termina cu mi estudio na Hulanda a bin bek Aruba y
asina traha na departamento di Gobierno IDEFRE den e mundo di deporte cu despues a bira
IBISA y den e ultimo añanan a traha cu USU pa asina sigui yuda den e mundo di deporte.

Pakico drenta den e mundo politico ta paso no kier sigui para na banda y grita , pero kier yuda
crece e mundo di deporte. Mi defunto tata Roy van Putten ta esun cu a empuha mi den e mundo
di deporte y tempo cu e tabata un politico tambe mi a forma parti di e trayectorio den e mundo di
politica tambe na Aruba hunto cu mi tata. E lema di mi tata semper tabata mas deporte menos
bisio. Mi a wak mi tata a lanta IDEFRE , hopi organisacionnan a lanta y cu e muchanan a haya e
oportunidad pa haci deporte , pero si mi mester wak bek den e ultimo añanan mi ta wak cu
deporte no ta unda cu e mester ta.

Pa drenta politico no ta facil mi a wak mi tata y ruman pasa den esaki y mi ta consciente cu e no
ta facil. Sinembargo prome cu mi a tuma e decision aki mi a papia cu mi casa y famia di kico nan
por conseha mi riba e decision aki y e contesta cu mi a ricibi ta ‘’ jacky nos sa kico tin den bo ,
bo ta stima e deporte y locual cu ta pasando cu tempo a hurt bo , Bay pe’’. Pesey awe mi a tuma
e decision aki pa asina hisa e deporte bek na Aruba na unda e mester ta