Page 6 - MIN ECEM

Michella Steenvoorde Lacle

un biento nobo mester

supla den politica di Aruba

Published on December 8, 2016 in Politica
ORANJESTAD, Aruba

Michella Steenvoorde Lacle a introduci su mes publicamente riba su decision cu e la tuma hunto
cu su Famia pa drenta e arena politico. Michella ta mama , casa y ta un profesional. Desde cu mi
tabata den bariga di mi mama mi tabata maak mee politica. Ambos di mi abuelo nan tabata gran
politico. Defunto Netty Lacle mi abuelo paternal tabata diputado di AVP. Tambe di parti ruman
di mi tata, mi querida y respeta tanta Mary Wever Lacle a forma parti di partido AVP y tabata
Minister di Enseñansa. Sinembargo e famia maternal no a keda afo. Y mi defunto abuelo
maternal Porfilio (fichi) Croes tabata un tempo gezaghebber di Aruba a inicia su carera politico
cu AVP y hunto cu difunto Yuancho Yrausquin a sali for di AVP pa funda es tempo ey PPA.

Despues hunto cu defunto Gilberto François Betico Croes a sali for di PPA y a funda e partido
MEP. Hunto nan a bringa pa Status Apartus di Aruba.Pues politica ta den mi sanger, e ta algo cu
di chikito mi a admira ora shon Betico Croes tabata bin bishita mi welo defunto fichi, ami
semper tabata bayi purba ‘’eaves drop ‘’ kico nan tabata papia. Mi defunto welo y su yiunan a
pasa momentonan amargo tambe den polititica. Pesey mes mi a evalua hopi prome mi a tuma e
desicion di drenta politica. Paso mi ta sinti cu servicio publico ta mi calling, pero kico ta e prijs
cu bo mester paga? Tabata mi pregunta ripiti.

Sinembargo combersando cu Otmar Oduber , mi a realisa cu e forza nobo ta keda na nos
generacion. Den un sociedad manera di nos….. un biento nobo mester supla den politica di
Aruba. Unda profesionalnan young cu ta willing pa traha duro pa e pais, ta bin cu plannan
cocreto, controla, realistico y planea…. realizable den un periodo specifico y
stipula.Actualmente mi ta traha den enseyansa, specificamente den e bario di Noord y mi ta mira
e nesecidad y prioridad cu un MAVO/HAVO /VWO na Noord mester tin.

Pa mi persona esaki ta un di e motibonan primordial pa a kies pa drenta politica y kiez pa e forsa
nobo debi cu enseñansa ta e prioridad number uno den e plataforma di forsa nobo.Un sociedad
educa y culto ta bal mil biaha mas cu un sociedad cu ta bunita di pafo pero bashi di paden. Nos
sociedad ta balora su cultura y su herencia y un otro punto hopi importante pa mi ta e
presevacion di nos naturalesa. Por ultimo mi kier a infatisa cu mi ta pro igualdad y ta di opinion
cu tur persona cu ta contribui cu fondo di pension ta merece tin e mesun derechonan pa nan
pareha na e momento cu nan fayece.