Page 4 - MIN ECEM

Aunke no ta tur nos miembronan ta nobo semper ta importante pa combina un partido cu
personanan cu experiencia den politica hunto cu e miembronan nobo. Den e caso di E Plataforma
Nobo mayoria di e miembronan ta caranan nobo algun hoben pero algun cu hopi experiencia den
nan ramo di trabao. Pakico nos ta papia di un plataforma y no un partido paso partido ta limita su
mes na 29 candidato y un partido hopi biaha ta sirbi interes di su partido y no di e pueblo. Segun
Joselin Croes E plataforma di e Forsa Nobo ta kere cu cada miembro tin mesun derecho di VOZ
y cu miembro mi kiermen un y tur cu kier bira miembro di nos plataforma lo wordo scucha y
abase di tur e voz nan aki nos hunto lo traha un plan di gobernacion.

Pa mi e plataforma nobo ta un kiebre cu e dos partidonan grandi tradicional , pa mi kiermen
cambio. Pesey mi deseo pa eleccion 2017 ta pa e Arubiano y ta mas exigente. Pa exigi di cada
politico pa nan dune nan plan di gobernacion y pa e wak pa e plan ta uno real y cu un buged real.
Cuestiona nan ora cu algo cu no ta cuadra. Mi deseo ta pa nos ta e FORSA nobo di aña 2017. Cu
nos mi kiermen , ami , abo , hoben , mayornan , e clase trahado , educadornan, un y tur cu ta bay
uza su derecho di voto otro aña. Kico mi kier logra pa Aruba? Un di e puntonan cardinal pa mi ta
, cu a bira ora pa nos pone un prioridad di pais Aruba straight. Unda nos kier bay cu Aruba? Nos
kier bira un next Miami cu puro concret ?of nos kier crea un balans entre nos crecemento
economico y nos medio ambiente y calidad di bida?Nos kier inverti den enseñansa , proteccion
di nos hendenan y un cuido medico di calidad halto, of nos kier mas caminda bunita miyonario
pa pronkia cu ne? Nos kier nos studiantenan bin bina na Aruba bek?of nos ta para un banda y
laga nan keda Hulanda of Merca y nunca bolbe bek? Nos kier un miho calidad di bida pa e yiu di
tera of nos kier sigui asota e yiu di tera cu costo di bida haltisimo.

Den mi humilde opinion nos prioridad mester ta ;; drecha e calidad di Rubiano’’ y e Arubiano mi
kiermen un y tur cu ta biba y traha na Aruba di un forma legal incluyendo e Arubiano cu ta awor
den exterior y kier bin biba bek na Aruba . Cu drecha calidad di bida mi kiermen cu e Arubiano
mester por tin un miho capacidad di compra , mester por bin cu reduccion di awa y coriente, un
reforma di nos sistema di cobra impuesto, mas incentivo pa nos comerciantenan, miho cuido
medico pa nos hendenan, e hende mester por sinti su mes sigur na Aruba , e enseñansa mester
cuadra cu e siglo aki. E hendenan mester ta nos prioridad. Di mi banda boso por conta cu un
campaña limpi y positivo, boso por conta cu mi lo scucha cada un di boso y cu ami hunto cu e
plataforma di E Forsa Nobo lo traha un plan di gobernacion a base di e dolor di e pueblo aki
poniendo e hende na prome luga. Ami ta aki pa sirbi mi pueblo, pa scucha mi pueblo y pa traha
pa mi pueblo. Mi ta conta cu boso ayudo y guia pa ami por haci mi trabao debidamente. E Forsa
Nobo di aña 2017 ta cada un di boso cu ta bay trece e cambio pa pais Aruba