Page 8 - MIN ECEM

Jacqueline van Putten . Cada representante ta personanan bon conoci den nos comunidad y cu
tambe ta sali for di famianan cu tabata den politica anteriormente. Lider di e plataforma a pasa
riba e trayectorio di cada un di e candidato nan aki. Joselin Baroso Croes ta un persona cu a
studia e parti huridico y ta operando pa 7 aña como abogado na Aruba. E dama ta yiu muhe di
Cita Croes y tata Tuyo Croes y Joselin ta mama di dos yiu. Despues di un estudio na colegio
Arubano VWO e la studia na Hulanda pa asina logra su internacional managment y public
Relation. Despues cu a caba su estudionan na Hulanda a bin Aruba y a traha un tempo na Central
Bureao Statestiek y tambe Lotto pa Deporte . Tambe despues di tempo a opta como un mama
hoben pa sigui studia y a dicidi di bay universidad di Aruba y a logra tambe su estudio den Ley.

Michella Steenvoorde Lacle cu ta e di dos candidato cu a keda presenta ta un mama di dos yiu y
ta docente pa casi 10 aña a elabora den educacion na Hulanda y despues a dicidi di bin biba na
Aruba cu su famia y ta docente actualmente. Tambe Michella Steenvoorde Lacle ta conoci den
su trabaonan boluntario unda cu e ta hopi activo den dje tambe. E interes cu Michella tin
actualmente ta riba e enseñansa na Aruba. Tambe Michella Steenvoorde Lacle ta bin di un famia
cu ta den politica y desde cu e tabata chikito a biba e sentimento y mundo di politica na cas y
awe e la dicidi di subi un partido nobo cu un meta nobo y manera di traha pa por hiba pais Aruba
padilanti.

Jacqueline van Putten tampoco no ta un persona desconoci den nos comunidad y su persona
tambe a uni pa ta riba e lista di plataforma uni di e forsa nobo . Jacqueline van Putten su amor ta
den e mundo di deporte y ta loke cu e la studia pe tambe. Su persona a dedica su bida completo
den e mundo di deporte y ta kere cu un pueblo di ta haci deporte ta un pueblo sano. Den aña
1992 Jacqueline a termina su estudio di deporte na Hulanda y despues di esey a bin bek na Aruba
y a bay traha na departamento di gobierno cu ta dedica su mes na deporte cu ta IDEFRE cu a bira
IBISA y na ultimo aki a bay sostene ASU pa sostene nan den e mundo di deporte.
Jacqueline van Putten tambe ta un dama cu a nace den e cuna di politica. Defunto tata di
Jacqueline, Roy van Putten tabata den politica e tempo ey y hunto cu su tata a pasa den e
trayectorio aki caba. Despues di basta deliberacion y cu a combersa cu su famia a dicidi cu no ta
para un banda y para mira, pero kier haci algo pa e mundo di deporte pa e muchanan y e
comunidad di Aruba, mas deporte menos bisio.