Page 44 - MIN SOC

Minister Paul Croes: Fundacion Hende Muher Den
Dificultad por conta cu Awg. 524.900

Monday, 02 January 2017 19:42
Comparti

Banda di e aumento pa mas trahador social pa apoya e sector social na Aruba, entrante 1 di Januari
2017 Fundacion pa Hende Muher Den Dificultad lo por conta cu un aumento substancial den nan
presupuesto.

Minister di Asuntonan Social drs. Paul Croes a anuncia esaki den un entrevista ultimo. "Un aumento di
176 mil florin extra pa asina e fundacion por sigui duna apoyo na hendenan muher cu ta sufri maltrato y
agresion. Esaki ta algo in acceptable y mi lo sigui bringa pa cada un di e ser femenino nan aki. Mester
para e maltrato. Esaki den forma di prevencion y den e cuido y proteccion na momento cu esaki
sosode", minister Paul Croes di Asuntonan Social a bisa. Gabinete Mike Eman ll asina aki ta cumpli
tambe cu un otro sector mester di e apoyo aki. Fundacion pa Hende Muher Den Dificultad recien tambe
a organisa nan Orange Campaign pa pone atencion riba e problematica aki. E apoyo aki tambe lo yuda
den combati abuso di mucha pasobra den cada caso di maltrato tin tambe muchanan envolvi. "Asina
nos lo keda yuda e instancianan cu tin e necesidad pa por sigui bringa maltrato. E fundacion aki sigur ta
hasiendo un trabou grandi pa conscientisa Aruba riba e efectonan desastroso cu e casonan aki tin pa e
persona y nos comunidad", minister Paul Croes a finalisa bisando.