Page 43 - MIN SOC

Minister di Labor, drs. Paul Croes: Desempleo premira pa
baha atrobe den 2017

Monday, 02 January 2017 19:24
Comparti

"Desempleo bao di adultonan hoben, desempleo bao di hende muher y hende homber en general y te hasta
desempleo bou di personanan cu limitacion ta premira pa baha significantemente aki na Aruba pa aña nobo," esaki e
titular di labor a anuncia recientemente. Banda di varios proyecto y inversion importante, tambe tin un proyeccion
positivo pa e mercado di turismo den 2017 ademas di e reapertura di e refineria.

Pesey por deduci cu lo tin mas cupo di trabou ta bay habri den 2017. E proyeccion aki ta basa riba informacion
economico y tambe segun loke AHATA a presenta recientemente.

Adicionalmente, Departamento di Labor ta haci su sondeo anual conhuntamente cu Oficina Central di Estadistica pa
yega na e cifra di desempleo. E sondeo aki ta duna un bista riba e diferente factor cu ta yega pa por duna un cifra di
desempleo pa Aruba pa 2016 y 2017.
"Segun e encuesta administrativo cu ta inclui cifranan di Banco Central, Labor Force Survey, y cifranan di turismo
nos por bisa cu tur siguransa cu nos lo tin un reduccion remarcabel den e cifra di desempleo. Pa 2014 cifra aki tabata
7.6% y pa 2015 7.5%. Pa 2017 nos proyeccion ta mustra un cifra bou di 5%. Si nos compara esaki cu 2009 esaki
tabata rond di 12%", Minister di Labor, drs. Paul Croes a mustra.
E titular di Labor ta di opinion cu e estadistica aki lo mester duna un animo nobo tanto na comercio existente y
fomenta mas inversion ainda, ya cu nan ta muestra cu pais Aruba ta riba e bon caminda cu su economia.