Page 10 - KPA

drenta y haci daño na scol y tambe tabata tin ladronicia di koper na Beatrix School.

A mira e camindanan cu nan por drenta y tabata cu DOW, Departamento di Higiena y Serlimar. Por a
mira sushi tur caminda y cosnan cu por acumula awa. E luganan ta wordo cera y despues ta bin extra
controle, pa e adictonan no drenta bek. E daño ta relativamente tiki debi na e hekwerk. Pero toch tin
obhetonan cu nan ta uza cu nan por subi drenta via bentana, pasobra e portanan ta cera. Ta cosnan cu
por a remedia basta lihe. Ta contento cu por a yega na e scolnan, prome cu e daño bira mucho mas
grandi.

Importante ta pa tene e adictonan for di e facilidadnan aki pasobra ta obhetonan importante di balor
grandi den enseñansa y ta propiedad di pueblo y no por permiti pa nan haci desaster den e scol. Compara
cu Colegio Frere Bonifacius e daño ta hopi menos.

E adictonan cu nan a haya nan a sali recien for di e scolnan aki. Coriente riba su mes por laga pa por
garantisa loke ta e aspecto di siguridad di e luga. Tabata tin adicto cu a logra paden, pero via bentana
hopi halto. E scolnan tin alarma, pero esaki no a bay. Lo papia cu e responsabelnan di e scol pa asina wak
si por laga e alarma funciona caminda cu tin un instrumento pa tene e adictonan for di e luga. Ta spera
cu bin solucionnan rapido pa e situacion pasobra ta preveni e daño mas grandi.
Hopi biaha cu topa cu un hende, e perosna ta drenta den klas via di un bentana y a wordo deteni pa esey.
Pero semper ora cu topa e hendenan, nan ta dispuesto pa tuma tratamento. Loke por a mira ta cu hopi
biaha despues cu hibanan na e centro di tratamento, nan ta cuminsa lanta contra di e hendenan y bisa cu
nan no kier keda. Si no tin un medida, logicamente nan no ta keda. Den e caso aki mester analisa bon si
ta procesa e persona aki toch den cuadro di ley penal y pa mira e ora si por mande pariba. Esey ta keda
den man di Ministerio Publico. Ministerio di Husticia ta ofrece su tratamento pero esey no ta nifica cu e
lo wordo procesa penalmente.

Tin varios punto cu minister Dowers a duna atencion pa loke
ta e manifiesto cu a ricibi for di e Grupo Pro Siguridad

Wednesday, 30 November 2016 21:38
Comparti