Page 9 - KPA
P. 9
Wednesday, 30 November 2016 18:57
Comparti
Awe Corte Comun di Husticia a trata e apelacion entama siman pasa door di Ministerio Publico contra e
decision di Corte den Prome Instancia pa suspende e detencion preventivo di e tata di inicial J.G.T. di 27
aña di edad, sospecha di maltrato severo di su mesun baby di 7 siman bieu.
Den e decision pa suspende e sospechoso aki, Corte a laga e circunstancianan personal di e sospechoso
pisa mas cu e motibonan di procedemento penal, y a manda e sospechoso cas. Durante tratamento di e
caso den prome instancia. Hues a dicidi pa pospone e caso te 16 di maart 2017, pa duna un experto di
NFI (Instituto Forensico di Hulanda) tempo pa traha un rapport tocante e caso. Alabes Hues a tuma e
decision siman pasa pa suspende e detencion preventivo di e sospechoso entrante inmediato. Den su
decision tocante e suspension di e detencion preventivo di e sospechoso, Hues a laga e circunstancianan
personal di e sospechoso pisa mas cu e motibonan di procedemento penal. Na e mes momento Hues a
dicidi cu e ernstige bezwaren y e base di e caso ta keda vigente. Ministerio Publico a anuncia di siman
pasa caba di no tabata di acuerdo cu e decision aki di Corte y a bay den apelacion contra dje.
Corte Comun di Husticia awe no a bay di acuerdo cu e decision di Corte den Prome Instancia y a dicidi cu
e motibonan di procedemento penal ta pisa mas cu e circunstancianan personal di e sospechoso. Esey
kiermen cu e sospechoso mester bolbe KIA, cu ta loke Ministerio Publico a boga pe tambe. Un punto
importante pa Ministerio Publico den e apelacion tabata, cu e topico di maltrato di mucha y abuso di
mucho ta importante pa comunidad di Aruba, y cu lo manda un señal robes pa comunidad cu suspension
di e sospechoso aki.
Minister Arthur Dowers: Ta spera cu bin solucion rapido pa
tanto Juliana School y Beatrix School pa evita cu e daño haci
pa chollernan bira mas grandi
Wednesday, 30 November 2016 21:40
Comparti
Diaranson, minister Dowers tabata na Juliana School y Beatrix School, caminda cu tabata tin hende a
