Page 11 - KPA

Ta pendiente pa algun desaroyo mirando un manifiesto cu a wordo entrega y tin cierto situacionnan.
Minister Arthur Dowers a splica cu despues cu a ricibi e manifiesto a combersa e grupo cu a organisa e
manifestacion Pro Siguridad, contra Criminalidad of por lo menos a para dilanti na momento di e
actividad aki. Ta asina cu a palabra cu nan cu lo bay studia tur e puntonan cu nan a presenta y cu lo duna
un reaccion riba dje. Por bisa cu por a duna un reaccion preliminario pasobra a bin varios punto y ta bon
pa duna e reaccion tambe por escrito. Tin hopi punto cu e informacion cu a wordo duna na nan no ta
cuadra completamente. Si tene cuenta cu por ehempel ta wordo bisa cu Warda nos Costa a wordo cera.
Esey ta algo cu a tende na varios ocasion cu a wordo treci padilanti door di partido MEP y absolutamente
cu Warda nos Costa a wordo cera. Por a wak diferente accion haci door di Warda nos Costa y e grupo aki
a wordo incorpora den Cuerpo Policial.
Ta asina ey tambe cu a pidi pa bin cu un radar pa pais Aruba ciendo cu a mustra na varios ocasion cu tin
un radar na Kustwacht. Tambe tin helicopter y avion y full facilidad di personal na dispocision di
comunidad y ta asina tambe cu a percura pa e cooperacion bin entre Warda nos Costa y Cuerpo Policial
pa por gara e servicio 24/7 pa loke ta trata cuidamento di nos frontera. Tin varios otro punto cu a bin
padilanti cu ta informacion cu nan a haya no ta cuadra y ta bon pa manda un contesta pa nan por escrito,
pero tambe bay mas amplio na informacion di comunidad, pasobra por ripara cu e informacionnan aki ta
haci un daño, si e comundidad ta pensa cu nos no tin nan. Tin otro puntonan a bin den e parti
presupuestario. A pidi 10 miyon florin y esaki awor aki den presupuesto supletorio ta bin 10.6 miyon. E
placa cu a bin e tempo ey tabata necesario pa por haci servicio di husticia y a mira tambe y e placa ey a
wordo uza. E presupuesto na e momento aki tin un aumento casi 7 miyon florin y ta percura den e cuadro
aki tambe den e periodo nos dilanti bin mas cen. Tin algun cen mas cu ta bin for di otro banda y cu ta bay
buta cu ta pasa e 10 miyon florin den e aña aki nos dilanti. Tambe a bin cu informacion door di partido
MEP cu no lo tin scol di polis pa e ultimo cuater aña, cual no ta berdad. Por a mira cu a entrega diploma.
A pone mas polis den servicio di pais Aruba cu cualkier otro Gobierno den historia di pais Aruba. A caba
di drenta 25 studiante mas den Scol di Polis, cual ta pa Januari. Tur e puntonan cu ta mira cu ta wordo
treci padilanti no ta cuadra cu e realidad y nan por bay riba tur e puntonan ey, pasobra ta mucho hopi.
Minister a splica cu ta bon si por sigui amplia riba tur e diferente puntonan.

Un di e puntonan caminda cu ta pidi pa Cuerpo Policial den bario, cual nan ta. A bin cu e flexteam cu ta
operando sumamente bon. Tabata tin exito siman pasa cu Flexteam ta kita droga for di hende. En
combinacion di Flexteam y preventief fouilleren riba arma y droga, ta mira cu efectividad ta grandi y ta
kita droga y placa, etc. for di e grupo di e hendenan aki. Paso pa paso ta mira cu e trabao y planificacion
cu a haci ta dunando resultado.
Kier mira mas trabao di polis ta wordo haci. Kier mira 0 tolerancia. 0 Tolerancia semper bao di minister
su maneho, no ta tolera nada ilegal, ningun bagamunderia. No ta doe mee na ningun wega, manera cu
por a mira den pasado door di minister di Husticia. Dowers ta cana e caminda straight conforme ley y ta
bisa ken cu ta cu tin sugerencia, un punto cu ta bon pa yuda husticia ta bon bini y caminda cu e puntonan
no ta cuadra cu realidad, lo mustra riba esey, pero e puntonan cu ta cuadra y ta sinti cu ta yuda, lo amplia
riba nan tambe.

E grupo a bin cerca Dowers pasobra tabata tin un palabracion cu no a reacciona ariba loke nan a trece
dilanti. Tin cu bisa cu a firma un acuerdo cu nan e momento ey, cu ta bisa cu ta buta mas atencion na
Husticia. Esey logicamente como minister ta sostene esey. Y e otro punto cu trabao di polis ta prioridad,
cual ta den plan di maneho. E circunstancianan a cambia cu hopi cos rond di nos cu ta duna risiconan