Page 48 - min.ecue flip 18 feb 2017

Aeropuerto ta den pleno ampliacion cuminsando cu e rampa

Friday, 17 February 2017 16:20
Comparti

A combersa cu sr. Jurgen Benschop, COO di aeropuerto y el a conta riba e rampa. Por mira cada biaha tin
ampliacion den sala di imigracion, areanan cu mester conoce cambio, pero naturalmente, si amplia aki,
tin cu garantisa cu e rampa mester ta up to date.

El a splica cu basicamente, su responsabilidad eynan ta operations. Ta pa procesamento di pasahero,
avionnan di salida y yegada di nos aeropuerto, coordina cu tur usuario y autoridadnan di aeropuerto pa
percura cu e fluho bay eficiente. A cuminsa aña pasa ta traha e rampa prome, pasobra a haya ta cay
cortico cu luganan pa para avion. A traha dos posicion parti pariba. A traha dos posicion parti pabao
banda di aerocargo aña pasa. Awor a cuminsa focus mas riba terminal. Por para avion, pero no tin luga
pa procesa pasahero, no por duna e calidad di servicio cu kier duna aeropuerto. Midimento Benschop a
sigui splica cu e ta corda minister di transporte anterior, a yega di bin cu un plan, caminda e kier wak e
pasahero yega for di arrival te na hotel den 20 minuut. Ta purba di yega mas hopi posibel pa tene e
tempo mas cortico. Awor aki, cu e cambionan cu a haci den imigracion, mayoria di e pasaheronan
Mericano of tin chip den paspoort ta pasa via E-gates. Esey ta haci cu e proceso pa baha for di avion pasa
door di gate, coy nan maleta, sali for di Douane, coy un taxi y bay hotel, ta bay basta lihe. Tin di
compronde cu transporte publico tin biaha ta keda pega door cu si taxinan pasa den Playa y ta haya cu
cruceronan den Playa, trafico ta basta pega. Esey ta algo di infrastructura cu tin cu traha riba dje. Pero en
todo caso e proceso na aeropuerto ta basta bao di control, si tur autoridad tin suficiente hende ta
trahando y haci e trabao eficiente. Contacto Benschop a bisa cu nan mes ta tuma midi di tempo.

Locual cu aeropuerto a haci den ultimo añanan ta bin cu servicio di embahador, cu ta hendenan riba
vloer cu nan trabao specifico ta wak e rijnan, guia pasaheronan, atende cu nan y comunica cu nan, pa
splica nan tambe e proceso di yegada na aeropuerto y tambe ta tene locual nan ta yama operations
meeting hunto cu e usuarionan regular, unda cu ta traha afspraak kico ta e nivelnan di servicio cu nan ta
spera como operador di aeropuerto di tur e dunadonan di servicio di aeropuerto. Cambionan Awor aki
nan ta bay enfoca riba e expansion di aeropuerto, cu ta Beatrix 2030. Benschop mes a maakmee Beatrix
2000, cual ta 17 aña pasa. E tempo ey e aeropuerto a wordo construi pa por maneha mas of menos 2.3
pasahero. Atrobe, manera tur hende sa, e peek hour y peek dates ta mayoria di weekend, den un timeslot
di 11’or di mainta pa 5’or di atardi, cual ta pone hopi presion riba e facilidadnan y tambe e servicionan cu
ta wordo duna. Awor ta bay traha riba un plan pa amplia riba servicionan di salida. Esta check inn area,
bin cu un sistema automatisa di maleta y tambe bin cu un area di consecion nobo, caminda cu e
pasaheronan tin mas tempo na gatenan cu nan por sinta mas trankil, dal un koffie, come algo, tanten nan
ta warda riba nan avion.

Comentarionan (0)

http://www.24ora.com/index.php?option=com_content&view=article&id=118861:aeropuerto-ta-den-
pleno-ampliacion-cuminsando-cu-e-rampa&catid=1:local&Itemid=5\