Page 45 - min.ecue flip 18 feb 2017

desaroyo positivo, gradiciendonan pa bin haci inversionnan na San Nicolas. Tur caminda por mira e
optimismo, hendenan ta positivo. Na San Nicolas nan ta sinti bon y ta algo cu a lucha cun’e pa 7 aña
largo. Purba di haya un operador. A logra un rato cu Valero, pero lastimamente e dinamica, riba mercado
mundial, no tabata faborabel y a cera porta. A keda bringa y e ultimo posibilidad y a logra cu esaki cu
Citgo. El a dura mas cu 2 aña largo di trabao intensivo, pero tey. E minister a expresa di ta sumamente
contento.

Comentarionan (0)
http://www.24ora.com/index.php?option=com_content&view=article&id=118855:minister-mike-de-
meza-reapertura-di-e-refineria-a-trece-su-prome-frutonan&catid=1:local&Itemid=5

Ministernan Eman: Prome 100 trahadornan ta cuminsa cu
proceso di rehabilitacion di Refineria di Aruba

Friday, 17 February 2017 20:48
Comparti

Durante un ceremonia diabierna mainta na San Nicolas, a toca honor na Prome Minister Mike Eman y
Ministernan Mike de Meza y Paul Croes pa haci entrega di mas un cantidad grandi di badge
na e prome grupo di trahadonan di contractistanan local cu a cuminsa cu e trabou pa rehabilita e
refineria di Aruba.
Ta trata di empleadonan di contratistanan grandi local cu hopi experiencia den refineria na Aruba:
Oduber Contractors, PWEC, Doushar y Goedecke. Por a sinti cu tabata reina un alegria grandi bou di e
trahadonan cu a ricibi, oficialmente, nan 'badge' cu ta permiti nan move den e instalacionnan di e
refineria. “Esaki ta un dia hopi special,” tabata palabranan expresa pa Prome Minister Eman, pero un
sentimento expresa tambe pa su coleganan Minister de Meza, Croes y tambe empleadonan di
contratistanan presente como tambe representantenan di gerencia di CITGO.
E mainta a wordo habri oficialmente door di Alirio Zambrano, Refinery Project Director di CITGO, kende
a bisa cu “ta un gran placer cu nos ta ricibi boso tur awe den nos cas, specialmente den e edificio aki cu ta
e prome cu nos a pone den funcion y hopi mas lo sigui mientras cu e trabounan ta sigui avansa.”
Palabranan di elogio Zambrano tabatin pa e proyecto di pone e refineria den funcion y tabata agradecido
cu e mandatarionan a acepta e invitacion pa comparti cu CITGO otro 'milestone' den e proyecto. “Ta bay
tin mas 'milestone' na caminda,” el a enfatisa cu hopi alegria.