Page 44 - min.ecue flip 18 feb 2017

Minister Mike de Meza: Reapertura di e refineria a trece su
prome frutonan

Friday, 17 February 2017 16:07
Comparti

Ex Leon Battery den Bernhardstraat y Ex De Palm Ice Plant den Pastoor Hendrikstraat a wordo bendi.
Cada uno ta un comerciante diferente y a cumpra pa drecha mesora. CITGO su yegada a pone
comerciantenan cuminsa inverti mesora cumprando propiedad etc pa asina haci trabounan y ta cerca di e
refineria.

Pa esaki, Ministernan Mike de Meza y Arthur Dowers, tabata na San Nicolas, pa asina tira un bista di e
desaroyonan cu ta tumando luga, y ta bayendo biento en popa y cu yen di ambiente di optimismo. E
reapertura di e refineria a trece su prome frutonan, inversionnan cu ta considera como miyonario di parti
di gruponan cu lo bay duna trabao, no directo, pero indirecto tambe. Minister Mike de Meza a bishita
San Nicolas na un propiedad cu pa hopi tempo bandona, a haya un doño, pa motibo di presencia di
refineria. E ta splica cu ta mira mas y mas inversionista ta moviendo rond den San Nicolas. Ta wak
diferente edificio cu den temponan di gloria, tur e edificionan aki tabata wordo ocupa, tabata tin fabrica
pa diferente produccion. Por cierto nan tabata tey caminda cu tabata tin Leon Battery Shop y en berdad
por mira cu inversionistanan a tuma esaki over pa bay remodel’e completamente y por mira tambe rond
di San Nicolas, diferente inversionista a cuminsa cumpra diferente edificio. Por cierto awe tambe, na San
Nicolas, hunto cu colega di Husticia, Arthur Dowers, ta bezig ta move rond, mira con e ambiente ta, kico
ta tumando luga y por mira cu en berdad tin hopi inversionista ta move rond den San Nicolas. Ya nan a
cuminsa cumpra y drecha edificionan. Manera tambe e caya patras, Grensweg, por a mira diferente
edificio cu pa hopi tempo tabata den un situacion hopi deplorabel a wordo drecha. Tin tambe diferente
negoshinan pa cuminsa tuma accionnan pa bin San Nicolas. E ta algo sumamente positivo. Sa cu e
refineria riba su mes tin un contribucion sumamente grandi pa e economia di Aruba. Pa añanan caba,
den pasado e tabata e industria number 1, e pilar economico di Aruba.

Den temponan menos bon, por a mira e efecto cu San Nicolas y sigur tambe vecindario, pero Aruba su
economia total tambe. Na momento cu el a habri bek den añanan 90, por a mira e impacto grandi cu e
tabata tin y por a mira su efecto atrobe na 2009 ora cu a stop e operacion y despues na 2012. Awor aki cu
a haya un operador nobo, por mira e ambiente ta sumamente positivo. Inversionistanan ta activo. Citgo
mes ta activo. Diabierna a haci un bishita na Citgo, caminda cu un cantidad di hende a cuminsa wordo
emplea pa yuda den e preparacion di e trabaonan cu tin cu tuma luga na Citgo. Ta algo sumamente
positivo. Ya caso 100 aña tin e industria aki cu a contribui grandemente na Aruba y ta bek den su
actividadnan. Por cierto awe madruga tabata 75 aña pasa cu hasta Aruba tabata envolvi den e Segunda
Guera Mundial, caminda e momento ey, hopi tanker pafo den nos awanan a wordo ataca pa e submarino
di Alemania, cu a sink por lo menos 4 tankero grandi cu hopi hende a perde nan bida y ta tuma nan den
nos pensamento, pasobra ta hendenan cu a perde nan bida, trahando pa Aruba y den e tankinan ey e
refineria di Exxon tabata esun mas grandi na mundo e tempo ey y a produci mas of menos 110 miyon
bari di fuel pa e aliadonan cu a bringa e tempo ey contra e Alemannan pa libertad di mundo. Aruba su
actuacion den esaki tabata sumamente grandi. Djis pa imagina e embergadura di un refineria riba un isla
chikito. Ta contento para eynan y mira tur e actividadnan y deseando tambe tur e inversionistanan un