Page 37 - MIN ON 3 APRIL 2017

Na 1999 mi a bin Aruba y traha como docente y actualmente mi ta director suplente na
O.A.A Middag MAVO y mi ta haci e trabao aki cu hopi amor. Mirando mi experiencia na
Hulanda, Curaçao y Aruba mi tin un bista amplio di loke ta enseñansa general, pero
den transcurso di aña mi a tuma nota cu e pasion pa yuda nos muchanan na scol a
crece mas den e parti social emocional di nos hobennan . Mi a haya un pasion den e
parti di asuntonan social cu ta tuma luga na scol.

Pesey na momento cu mi a haya e oportunidad pa ta parti di e cuido na scol mi a tuma
e reto aki. Nos hobennan ta nos futuro, e futuro di nos Aruba. Banda di e trabao cu
mi ta haci como director suplente mi tin e parti di coordina e cuido di nos hobennan na
scol. Sinembargo tin hopi reto ainda cu por drecha. Mi no a mira esaki solamente na
scol, pero tambe den e plataforma profesional.

Ami Robin-Ann Didder riba lista di P.O.R cu bo confiansa mi por logra haci cambio pa
mehoracion di nos hobennan aki na Aruba. Hunto nos ta logra yega na e calidad di
enseñansa y alabes reenforsa e calidad di bida social den varios cas aki na Aruba. Sin
laga afo nos docentenan tambe mester di atencion debido pasobra sin nos docentenan
nos no por crea hobennan talentoso pa carga nos dushi Aruba.